ابن حميد الشاعري يتطاول على حلمي بكر: «ولاده كبروا ومش حيسمحولك تقطع فى أبوهم»

شن الموزع الموسيقي نديم الشاعري، هجومًا على الملحن حلمي بكر، وذلك بعد انتقاد الأخير لوالده النجم حميد الشاعري على مدار سنوات طويلة.

وكتب نديم الشاعري عبر حسابه الشخصى على "فيس بوك"، بوست مطول وهاجمه بشدة على انتقاداته المستمرة لوالده بقوله: "أستاذ حلمى لو محتاج مساعدة ماديا أو نفسيا الكابو مش حيتاخر عليك، لكن ما ينفعش كل ما تتزنق تروح برنامج تجيب سيرة حميد الشاعرى الى للأسف تاريخك ميجيش تمن تاريخه ولا فنيا ولا أخلاقيا للأسف".

وتابع: "٣٠ سنة من عمرى ما بيعملش حاجة فى حياته غير التقليل من الناس ومن الفنانين ومن أعمالهم".

واستطرد: "أوعى حضرتك تفتكر أنك محطوط فى خانة الإنسان المحنك، لا للأسف أنت عبرة لكل نفسية فاسدة منتهية الصلاحية فنيا وأخلاقيا، فرق التربية كبير أوى بينك وبين الكابو حتى فى الفكر الموسيقى والمعاملة مع الناس".

واستكمل: "الكابو كبير مقامه ومش بيرد عليك عشان هو أكبر من كده، وأكبر منك بالذات، ودايما بيقولى ما تردش على حد، لكن ولاده كبروا ومش حيسمحوا أنك تقطع فى أبوهم".

وأردف: "هو حضرتك بجد فاكر أن حميد هو اللي بوظ المزيكا فى مصر؟، المقسوم اللى حضرتك بتتكلم عليه هو اللي واكل بقاله ٣٠ سنة مع كل الفنانين وهو سر الاستمرارية و النجاح ، مفيش ألبوم بينزل غير ومقسوم الكابو رانن فى الودن".

واختتم ابن حميد الشاعري بقوله: "لما مذيع صابغ شعره أبيض وفى اللفة يسألك سؤال زى ده، المفروض ردك يبقى تربوى قبل الفنى أنه ازاى يسأل السؤال بالطريقة دى لكن حضرتك كنت حتطير من الفرحة عشان السؤال فى تقليل للكابو، حاول يا أستاذ حلمى تكسب الناس عشان الدنيا فانية، متبقاش خسران السيرة الطيبة وكمان الناس".

يذكر أن، حميد الشاعري كشف مؤخرًا عن علاقته بحلمي بكر، موضحًا أن الأخير ظل يهاجمه لمدة 10 سنوات، حتى جاء المنتج أحمد العريان ليقرر تنفيذ أوبريت "الحلم العربي"، ويجمع بينه وبين حلمي بكر، وهو ما رحب به حميد دون تردد.