زوج يتهم زوجته الثانية بحرق عضو نجله الذكرى بالقليوبية
كتب: العاصمة
تجرى أجهزة الأمن تحريات فى واقعة اتهام رجل لزوجته الثانية بتعذيب نجله وحرق عضوه الذكرى بشبين القناطر بمحافظة القليوبية.
تلقت الأجهزة الأمنية بمديرية أمن القليوبية، بلاغًا من شخص يتهم زوجته ووالدتها بتعذيب ابنه وحرقه بفمه ورقبته ومناطق حساسة في جسده، على الفور تم القبض المتهمين وتحرير محضر بالواقعة، وقال والد الطفل "لما رجعت من الشغل مالقتش ابني في البيت، ولما سألت قالت لي مراتي أنه عند أمها اللي هي حماتي وهيبات عندها، فطلبت منها تجيبه، فراحت جابته فعلا ولقيت وشه وارم جامد فبسأله معرفش يرد بسبب الورم".
وأضاف والد الطفل: "بقولها مين اللي عمل فيه كده قالت لي هو أكل ملح طعام وهو اللي عمل فيه كده، فأنا أخدته وجريت على دكتور في شبين القناطر وكان معانا حماتي، والدكتور حولنا على مستشفى الحسين الجامعي علشان أبني فيه حاجة مش طبيعية بخصوص الورم، لما ذهبنا لمستشفى الحسين الجامعي وهناك أتعلق له محاليل وعملوا له تحاليل وإشاعات وظهر الدكاترة إن ابني فيه أصابات في الأظافر في أيده الاثنان وأظافر رجله الاثنان وحرق في عضوه الذكرى وحرق في ختمه من ورا وحرق في رقبته من الناحيتين وحرق من فمه من الخارج والداخل ولما سألنا أبني مين اللي عمل فيك كده قالي إن حماتي وبنتها اللي هي مراتي التانية.
