عبد الرحيم كمال: السينما ليست مسئولةً عن تغيير القوانين أو إصلاح المجتمع
كتب: عرفة محمد أحمد
كتب الروائي والسيناريست المعروف عبد الرحيم كمال، منشورًا على صفحته الشخصية بـ«فيسبوك»، كشف فيه عن العلاقة بين السينما وإمكانية تسببها في تغيير القوانين، أو إصلاح المجتمع.
وجاء في منشور «عبد الرحيم»: «من الحاجات اللي جابت نتايج عكسية وفهمت الناس مفاهيم غلط عن السينما، الكلام بمبالغة شديدة عن الأفلام اللي قدرت تغير قوانين في البلد، السينما برضه مش دورها تغيير قوانين، وممكن يبقى فيلم عادي جدا ويغير قانون لظروف خارجة عن الفيلم وفيه أفلام عظيمة جدا وفنية ولا غيرت قانون ولا حاجة».
وتابع: «الكلام عن أن السينما دورها تغيير وإصلاح المجتمع ونشر قيم الفضيلة وخلق مجتمع أفضل، للأسف كلام مش دقيق ومش حقيقي ومش صح.. السينما والمسرح والأدب حاجات واسعة جدا متعددة الغايات، وإن كان ليها دور في الدنيا دي فهو إن الناس تتفاعل مع الحلم اللي بتقدمه وخلاص وده شيء مش بسيط ولا سهل.. لكن تحميل الفن بما ليس فيه ولا يملكه ولا هو دوره نوع من أنواع الافتراء والتدليس والضحك على عقول الناس».
يذكر أنّ «دار الكرمة» أصدرت رواية «أبناء حورة» للكاتب والسيناريست عبد الرحيم كمال ضمن أبرز الإنتاجات الأدبية المشاركة في معرض القاهرة الدولي للكتاب الماضي.
