«هو مش عارف أنا مين؟».. هشام يكن يكشف لـ«العاصمة» تفاصيل مشادته مع مرتضى منصور

كشف نجم الزمالك السابق هشام يكن، المرشح على عضوية مجلس إدارة النادي عن تفاصيل المشادة التي وقعت بينه وبين المستشار مرتضى منصور، رئيس القلعة البيضاء، خلال تواجده رفقة عدد من الأعضاء في حديقة النادي.

وقال هشام يكن في تصريحات خاصة لـ«العاصمة»: "مرتضى كان بيلف في النادي وجالي يسألني على كارنيه العضوية بتاعي، ده موقف غريب طبعًا، وكان غير طبيعي وغير منطقي، لأنه مش معقول هو مش عارف أنا مين وموجود في النادي إزاي حتى ولو من غير كارنيه".

وأضاف: "قولتله أنا مش معايا كارنيه، ولكن تدخل بعض المتواجدين في الموقف، وكان من بينهم هشام نصر، واتحايلوا عليا وروحت جبت المحفظة بتاعتي ووريته الكارنيه".

وعن علاقة موقف مرتضى منصور بانتخابات النادي المقبلة، المقرر لها فبراير المقبل قال هشام يكن: "أنا مش حاط في دماغي الكلام ده، وأنا راجل مترشح في الانتخابات بنية خدمة الأعضاء وتطوير النادي في الأساس ان شاء الله".

واستكمل: "أنا شغال كويس في الاستعداد للانتخابات، وبعمل لقاءاتي برة النادي، ومش محتاج أعمل ندوات جوة النادي عشان أعرف الناس أنا مين.. لأن الناس عارفاني كويس وعارفة سبب ترشحي من الأساس".