محمد نور يساند حمو بيكا في أزمته مع الموسيقيين: «أكيد مكنش يقصد وعايز يشتغل»
كتب: نسرين إبراهيم
أطلق الفنان محمد نور، مبادرة للصلح بين مطرب المهرجانات حمو بيكا، ومجلس نقابة المهن الموسيقية، بعد أزمته الأخيرة مع أعضاء مجلس النقابة، واتهامه لبعضهم بالرشوة بالإضافة لتصريحاته المثيرة للجدل في ظل إيقافه عن الغناء.
وأعلن نور، عن دعمه ومساندته لحمو بيكا، كما تقدم بالاعتذار للنقابة بالنيابة عن الأخير، وذلك من خلال مقطع فيديو، قام بنشره عبر حسابه الشخصي بموقع تبادل الصور والفيديوهات انستجرام، وعلق عليه قائلًا: «لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه».
وأضاف نور: «هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع».
وتابع محمد نور: «أتمنى تقرأ الكلام ده وتعتذر، وهما مفيش أطيب منهم، والموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف».
واختتم محمد نور: «شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبو اليزيد، وأنا متأكد أنكم هتتعاونو معايا، وده مش جديد عليكو».
View this post on Instagram
