ويجز يرد على منتقديه: نفسي الناس تجاهد نفسها وبعدين تيجي عندي

رد مغني الراب ويجز، على منتقديه من خلال السوشيال ميديا، وتدخل البعض في حياته الشخصية، مطالبا الجميع بتطبيق نصائحهم على أنفسهم أولا.

وقال ويجز في مقطع فيديو قصير، عبر خاصية "الاستوري" على صفحته بـ"إنستجرام": "مساء الفل يا جماعة نفسي الناس تجاهد نفسها بعدين تيجي تجاهد عندي، علشان مبقتش فاهم أنت عندك مبدأين في الحياة جاي تطبقهم عليا، لا طبقهم على نفسك".

وتابع ويجز: "ولما الناس إن شاء الله يقولوا إنك أنت المثال الذي يحتذي به أهو أنا هحتذي بك وهاجي اسألك، وأقولك أنت عملت كده إزاي بجد أنا عايز أتعلم كل اللي عندك غير كده بجد بلاش الجهاد اللي هو أخش أقولك تعمل إيه ومتعملش إيه في حياتك ده غريب جدًا بجد، اتبسطتوا وخلوني اتبسطت".

جدير بالذكر أن ويجز يستعد لمقابلة جمهوره في الأردن لأول مرة، يوم 2 سبتمبر المقبل، من خلال حفل ضخم، ومن المتوقع أن يشهد إقبالا جماهيرا كبيرا.