شهيرة تدعم مني زكي: «الكل قاعد ورا الشاشة بيلطش والهجوم عليها مبالغ فيه»

عبرت الفنانة شهيرة عن استيائها من الهجوم الحاد على الفنانة منى زكي وزوجها النجم أحمد حلمي خلال الفترة الماضية، بسبب دورها في فيلم "أصحاب ولا أعز"، مؤكدة أنه هجوم غير مبرر ومبالغ فيه على حد قولها.

وأوضحت شهيرة خلال مداخلة هاتفية مع الإعلامية بسمة وهبة في برنامج "90 دقيقة" الذي يُعرض عبر شاشة المحور بقولها: "أنا شايفة أن الهجوم كان زيادة عن اللزوم وحتى لو الجمهور مش متقبل مشهد معين في الفيلم، بردو مينفعش كل الهجوم .. يعني الست لا اتعرت ولا حد مسك إيدها عشان يكون فيه كل ده متخلونيش اتنرفز".

وتابعت: "الناس مش قادرة تفهم أن دي مجرد شخصية مش منى زكي في الحقيقة، وأنا معترضة على الهجوم ده وخصوصًا على الفنان الجميل أحمد حلمي، متسائلة: ليه كدا؟! أنا في حالة ذهول لأنهم  ثنائي جميل وقدموا أعمال جميلة".

واستطردت: كله قاعد ورا الشاشة وبيلطش، ومش كل الناس طبعا .. والنسخة الإيطالية من الفيلم كانت كارثة يعني النسخة العربية بالنسبالها ولا حاجة، مضيفة: "بس لو أتعرض عليا الفيلم هرفض لأني مش جريئة طول عمري ومنى زكي فنانة جريئة".

وفي سياق متصل، وجهت شهيرة رسالة إلى منى قائلة: "يا منى أنتي فنانة جميلة، والناس حبتك في خط معين، شوفي الناس حبتك في إيه وامشي فيه، لأن ده قدرنا إننا نشوف الناس عايزين مننا أدوار إيه ونعملها، مضيفة: "صحيح الفنان لازم يعمل كل حاجة، بس لو أنا مكانك هبعد عن الأدوار اللي ممكن تزعج أي حد يعني مش ضروري أعملها".



يذكر أن، فيلم "أصحاب ولا أعز" تعرض صُناعه لهجوم وانتقادات لاذعة من الجمهور، بسبب ما يحتويه الفيلم على أفكار وألفاظ إباحية والتي وصفها المشاهدون أنها لا تتناسب مع القيم الأخلاقية في المجتمع.