فيديو وصور| «عشان لا تنفعي ليه ولا لغيري».. شاب يشوه وجه فتاة وجدتها بـ «ميه نار» لرفضها خطبته
«رش على أمي وبنتي ميه نار.. وقال: علشان لا تنفع لي ولا لغيري»، بهذه الجملة بدأ أحد الأشخاص بمنطقة منطي التابعة لمحافظة القليوبية، سرد كواليس واقعة اعتداء شاب على «والدته وابنته» بـالضرب والسب والإهانة، وصولًا لـ «رش ميه النار»، وتشويه وجههم، وذلك بعد رفض الأسرة إتمام خطبته من ابنتهم «إسراء».
وقال الأب عبر بث مباشر لـ «العاصمة: «محمد اتقدم لبنتي وأنا زي أي أب روحت أسال عليه، وعرفت إنه بتاع مشاكل وضرب نار، وإن أهلوا مش قادرين عليه».
وأضاف «والد محمد كانت هنا في البيت، وأنا كنت في الشغل، وقال لمراتي: إن ابنه مش مؤهل للجواز، وقدامه 10 سنين».. فردت مراتي وقالت: «قول الكلام ده لإبنك وبنتنا سمعت منك الكلام.. وكل شيء قسة ونصيب يا إسراء».
ونفي الأب أن محمد رفيق دراسة لإسراء قائلًا: «شاف بنتي في فرح صحبتها، أعجب بيها، شفها مع جدتها في المنطقة، فأجبر أمه على التقدم لطلب يد إسراء».
وأوضح «كان عامل مشاكل مع كذا حد من جيراني، وأنا رفضت، لأن هو كان هيخليني طرف فيها وأنا مش بتاع مشاكل، أنا من الشغل للبيت، ومن البيت للشغل». مؤكدًا عدم الاهتمام بمال؛ لكن الأخلاق أهم. قائلًا: «أنا أقبل بيك حتى لو بياع خضار على أول الشارع». فقولته إن كل شئ قسمة ونصيب. و«بنتي واعيه... وتفهمت الموضوع».
وبدورها، سردت والدة إسراء، موقف والد محمد من الجواز، قائلة: «أبو الولد ناده وقالي في حضور إسراء ومحمد: إنه مش هيجوز الصغير قبل الكبير، وأن ليسه قدام محمد 10سنين، وإن كل حاجة قسمه ونصيب».
نيرة أشرف جديدة في القليوبية.. شاب يُشوه وجه اسراء بـ «مــيـــه نـــار» بعد رفض خطبتها: «لو مش ليه مش هتكوني لغيري»
وأضافت الأم «من ساعت مع حصل الموقف ده، محمد كل شوية يعدي قدام الدكان ويشتم بالفاظ خارجة، ويلف المطوة على صباعه، ويبين ليا القطر وبيهددنا».
وعبر الأب عن خوفه علي ابنته قائلًا: «أعت بنتي من الجامعة، وهي جايبة 96% في الثانوية، لأن هو كان علطول ماشي ورها، وكل لما يقابل أختها الصغيرة يبعت تهديد ليها، «لو مش هتبقي ليا، مش هتبقي لغيري وهقتلك وأقتل أختك».
«لومش ليا مش لغيري.. ورشها بميه النار»
وأضاف الأب ساردًا ليوم الواقعة «يوم 1 أكتوبر الجاري في تمام الساعة 10 مساء، بنتي كانت مع جدتها، بتوزن طماطم في الدكان، هو راح هناك وقال «لومش ليا، مش لغيري.. ورشها بميه النار»، موضحًا، «لما جدتها جت تلحقها رش جدتها بميه النار.. وطلع جري»: أنا كنت في الشغل، وعرفت الخبر جيت جري لقيت المباحث والحكومة كلها حاولين البيت، وأمي وشها باظ، وبنتي عماله تصوت».
وأوضح والد إسراء: «شوه وجه أمي وبنتي بـ ميه النار، وقرنية العين اليسرى لـ الدتي «اتدمرت» مؤكدًا اعتداءه الدائم على والدته والتهجم على زوجته في الشارع. مؤكدًا أنا ببيع البيت علشان التهديات وخايف على أسرتي، وأن أسرة المتهم عروضوا عليه 5 مليون جنيه للتنازل عن القضية، مؤكدًا ملايين الدنيا مش تغني عن القصاص وعلاج أمي وبنتي.
