علا رامي: «اضطريت ابيع دهبي عشان مش معايا فلوس»

كشفت الفنانة علا رامي، عن معاناتها ماليًا في الآونة الأخيرة، مما اضطرتها الظروف إلي بيع ذهبها، حيث جاء ذلك مع الإعلامية ياسمين عز في برنامج "كلام الناس" عبر قناة "MBC مصر".

وأوضحت "رامي" بقولها: "الصحة والستر وراحة البال والرضا حاجات مهمة جدا، مر عليا وقت صعب، وكان عندي شوية ذهب بعتهم مؤخرًا مضيفة: "قولت خلاص مش عايزة ألبس حاجة، وفي نفس الوقت كان عندي التزامات، فقررت أبيع الذهب وأحط الفلوس وديعة في البنك، والفلوس اللي بتيجي من الوديعة بعيش منهم".

تابعت: "كنت متوقعة الزنقة المالية وده بيحصل لكل الناس وكان لازم أبيع حاجة عشان أعيش مستورة، مضيفة: "والحمد لله إن ده حصل متأخر شوية، ومكلمتش مخرج أو منتج، ده رزق من عند ربنا وهيجي هيجي، ولو طلبت فأنا بطلب شغل مش صدقة ولا إحسان، أنا مبعرفش أبقى حاجة غير أني ممثلة، وقبل التمثيل كنت راقصة باليه".

يذكر أن، آخر أعمال علا رامي مسلسل "حكايات بنات ج5" عام 2020، مع مجموعة من النجوم أبرزهم: ميرنا نور الدين، هند عبد الحليم، هاجر أحمد، أسماء جلال، محمد يسري، ومي حسين وغيرهم.