لبلبة: «نجاة الصغيرة زعلت مني عشان قلدتها وفقرتها الغنائية بقت كوميدي»

أكدت النجمة الكبيرة لبلبة أن الفنانة نجاة غضبت منها بعد تقليدها لها على المسرح، حيث جاء ذلك مع النجم محمد هنيدي في برنامج "هنيدي شو" المذاع عبر فضائية "المحور".

وأوضحت لبلبة بقولها: "لما قلدت نجاة الصغيرة زمان زعلت مني.. ودا كان بسبب أن فقرتي كانت بتتعرض الساعة 10 ونصف.. وهي قررت تطلع الساعة 11 وربع.. فطلعت وقلدت كل اللي بقلدهم ومنهم نجاة".

وتابعت: "مكنتش تعرف أني بقلدها.. وأول ما طلعت الناس ضحكت ضحك خفيف.. ولما غنت الكوبليه اللي قلدته ليها راحت الناس ضحكت بصوت عالي".

واختتمت لبلبة حديثها قائلة: "بصت نجاة لأحمد فؤاد حسن.. قالتله ايه الموضوع.. قالها لبلبة عملت كل اللي عملتيه قبل ما تطلعي.. والوصلة بتاعتها بقت كوميدي ومبقتش طرب والموضوع زعلها.. وبطلت أقلدها لما عرفت".