تفاصيل اتهام «كلب» المذيعة أميرة شنب بافتراس جارها

تعرضت المذيعة أميرة شنب، لحالة من الهجوم عبر صفحات مواقع التواصل الاجتماعي، بسبب الكلب الخاص بها والذي قام بمهاجمة أحد سكان العقار الذي تقطنه مما أدى إلى تهتك في أعصاب اليد.

ونشرت هند سعيد صالح منشور عبر حسابها بموقع التواصل الاجتماعي، فيسبوك، منشور، قالت به: "محمد محب الماوى، زوج صديقتى الغالية إيمان عبد المحسن، و والد على و عاليا .. ولد و بنت زى القمر .. مدير ناجح في بنك عالمى، حظه انه ساكن تحته المذيعة أميرة شنب اللى بتقدم برنامج "أميرة في المطبخ" .. و اللى عندها كلب "بيتبول" ضخم العضلات اللى من المحظور استيرادهم دوليا دول" .

وأضافت:" و بالرغم ان هو محب للحيوانات فعلا إلا أن الكلب ده كان دايما يهاجمه فى الطالعة و النازلة و كان بيقول انه صعبان عليه جدا انه مش واخد عناية كافية فى تحسين السلوك و انه بيهاجم كل اللى بيشوفه

يوم الاحد اللي فات قرر " محب " انه يخبط على باب مدام أميرة عشان يطلب منهم يسيطروا شوية على كلبهم بدل ما هو عمال يهاجمهم كده من ورا السور القصير اللى عادى جدا انه ينط من فوقيه!!.. فتحت له الشغالة، و قبل ما يفتح بقه بكلمة واحدة خرج الكلب المفترس ده من وراها و هجم علي محب في مدخل العمارة اللى كان واقف فيه ابنه "على " و حاول انه يفدى ابنه" ..

واستطردت:" عض في الذراع و الفخذ و أماكن متفرقه من الجسم نتج عنها  قطع نافذ في الأوتار و الأعصاب !!!

و فجأه المدخل كله بقى دم !!!

طبعا ابنه واقف و شايف ده كله بيحصل لأبوه

بالعناية الإلهية فقط استطاعوا ان يفلتوه من بين أسنانه و توجهوا به لمستشفى "دار الفؤاد" بحكم انها أقرب مستشفي كبير لهم..

بعد الفحوصات أكدوا انه هيحتاج لعملية نقل أعصاب من القدم الي هذا الذراع الذي تم تمزيقه ..

بعد إجراء الفحص الطبى المطلوب دخل محمد غرفة العمليات و فور اعطاؤه حقنة التخدير توقف القلب لمدة ٣٠ دقيقة تقريباً !!

دخل فى غيبوبة و تم اعطاؤه صدمات للقلب و نقله للرعاية المركزة و تم تأجيل العملية لأجل غير مسمى حتي يعود مرة اخري للحياة ،المحزن انه لم يعد للوعى حتي الآن !".

مستكملة:" مين المسؤول عن الكارثة دى ؟

المذيعة اللى مربية وحش فى بيتها و سايباه يهاجم الناس ؟ ولا المستشفى المحترم اللى حقنته بمخدر أوقف قلبه فى نفس اللحظة ؟و كل اللى بيتقال من المستشفى مانعرفش الأسباب اللى أدت لكدة .. مانعرفش  حيفوق امتى أو حيفوق اصلا ولا لا، ادعوله بالشفاء ارجوكم فالدعاء يغير الأقدار و هو الآن بين يدى الرحمن القادر علي كل شيء".