دويدار لـ مؤمن سليمان: «مدرب معندوش خبرة.. وفشل في سموحة والمقاصة»
كتب: محمد الهادي
شن أحمد دويدار، لاعب الزمالك ومنتخب مصر السابق، هجوما شرسا على مؤمن سليمان، المدير الفني للقلعة البيضاء السابق، بسبب تصريحات الأخير.
وكتب دويدار عبر حسابه الشخصي على موقع التواصل الاجتماعي «فيسبوك»: «لقيت فيديو مؤمن سليمان بيقول هكسب دوري أبطال افريقيا إزاي ومعايا مايوكا ورمزي خالد ودويدار ومصطفى فتحي».
وأضاف: «ده تقليل مننا من مدرب معندوش خبرة وفاكر نفسه عبقري زمانه على فكرة ماتش العودة صن داونز أنا لعبت من أفضل الماتشات في حياتي وكنت نفسي ناخد البطولة بس للأسف طريقتك الهجومية في ماتش الذهاب في صن داونز هي سبب خسارة البطولة».
وتابع: «قلت في المحاضرة هنجيب هدفين في أول ربع ساعة حصل العكس دخل فينا ٣ يا مؤمن أنت عدو نفسك فشلت في سموحة وبعد كده في المقاصة انت مش مدير فني انت مدرب عام كتير عليك كمان».
وأكمل: «شخصيتك ضعيفة مع اللاعبين ومبتعرفش تسيطر على أوضة اللبس وبلاش أقول انت اتشتمت من مين وأنا اللي خليته يبوس فوق دماغك ويعتذرلك قدام الناس».
وواصل: «مفيش فريق دربته غير لما لاعب يتخانق معاك انت هتشوف نفسك علشان الأول في الدوري العراقي هوه أنا اللي كنت بقول للاعبين انا احسن من كوبر وحسام حسن وميدو وعبقري زماني».
وأردف: «يا راجل انت بتلف على كل لاعب تاخد رايه في التدريب وتشكيل الماتش انت مهزوز جدا انت كل متطلع تقول ١٤ لاعب ايه علاقة ده بطريقة اللعب والفتي ليه العند وتبرير الفشل».
واختتم: «ماتقول انك غلطت وخلاص هفضل اقول انت سبب رئيسي في خسارة دوري أبطال افريقيا ماتش صن داونز وكانت بطولة سهلة وربنا يهديك على نفسك يا روتيشن مكنتش حابب اتكلم عنك بس لازم أرد عليك هتجيب سيرتي تاني اللي جاي هيزعلك».
