سمير صبري: قلبي تعب من علاج السرطان وعندي عملية أدعوا لي أطلع منها سليم
كتب: محمود جودة
تحدث الفنان سمير صبري عن تطورات حالته الصحية، مشيرًا إلى أنه يحصل على العلاج الكيماوي منذ نحو عام بعد إصابته بالسرطان، وهو ما أثر على القلب، قائلاً: "المفروض إني أعمل عملية في القلب وادعوا لي أطلع منها سليم".
وأضاف "صبري" : "كنت مصاب بالسرطان وقضيت عليه الحمد لله، والمفروض إني أعمل عملية في القلب خلال 3 أو 4 أيام"، مشيرًا إلى أن الكثيرين قاموا بزيارته: "كل الحبايب جولي"، ووزيرة الثقافة اتصلت بيا وسألت لو محتاج حاجة.
وقال لبسمة وهبي: "عايزك تبلغي الرئيس السيسي إني بشكره على الإنجازات الرائعة اللي هو بيعملها ورجع مصر للدنيا ورجع الدنيا لمصر".
وقال سمير صبري: "هعمل عملية جامدة شوية ومحتاجة رعاية جامدة جدا، وإن شاء الله أتخطاها، والـ50 سنة اللي قضيتهم في الفن والسينما والثقافة عمري ما هنساهم".
وأَضاف في مداخلته ببرنامج "90 دقيقة": "لو أنا كنت في صحتي كنت عملت 9 آلاف برنامج على الإنجازات اللي سيادته بيعملها، انا بتكلم من قلبي، يا ربي يديني الصحة عشان أشوف الجمهورية الجديدة هنعمل فيها ايه".
