حسن شاكوش يرد على حمو بيكا: «أنا ساكت بس عشان أكل العيش»

رد مطرب المهرجانات حسن شاكوش، على ما قاله عنه صديقه حمو بيكا، مع الإعلامية بسمة وهبة، ببرنامج العرافة.

وقال حسن شاكوش، خلال لايف عبر حسابه بموقع التيك توك: "اللي هيطلع بعد كده ويجيب سيرتي في حاجة، أنا سايبك لما تشوفني تقولي حبيبي ولما حد يخبط فيا تشيرله وأنا عمري ما احتاجت حاجة من حد في الشغلانة دي حتى لو هشحت".

وأضاف: "أي حد هيطلع يجيب سيرتي في أي برنامج أنا ما بعتمدتش حد في الشغلانة دي ومش معنى كده أني غلبان ومبتكلمش، لا أنا ساكت بس عشان أكل العيش وعشان أنا محترم مع الناس وأنت عارف".

واستكمل: "أنت عايزني أجيب سيرتك عشان تتشهر وتشتغل أنت مش هتشتغل، ودماغي لما بتهرب مني اللي بيجي على سكتي بدوسه، لو خيالك فكر إنك تطلع تتكلم عليا تاني لو كان راجل كبير أو صغير بتكلم في المجال مش بره لو خيالك وزك".

وكان حمو بيكا قال خلال الحلقة: "حسن شاكوش بيحب السهر مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح بيسهر ومراته بتنصحه بتقوله انزل اشتغل".