جدل على السوشيال ميديا بعد إنشاء حسابات على تيك توك وإنستجرام لـ "دار الإفتاء المصرية"

حالة كبيرة من الجدل تسببت فيها دار الإفتاء المصرية عقب إعلانها إنشاء حسابات رسمية على مواقع التواصل الاجتماعي "تيك توك، تليجرام، إنستجرام" تزامنًا مع الاحتفال بعيد الفطر المبارك.

تسبب ذلك الأمر في الانقسام بين مستخدمي مواقع التواصل الاجتماعي بين مؤيد ومعارض للفكرة، فالبعض أكد أن تيك توك دار الإفتاء سيتسبب في زيادة الوعي في المجتمع والبعض سخر من الفكرة من الأساس.

وقال أحد مستخدمي "الفيسبوك": "فكرة حلوة عشان الناس اللي بتنشر الفساد على تيك توك وانيستا يقابلها حديث أو تسمع أية أو تقرأ كلمة بالصدفة عليها تكون سبب في صلاح و خير ليهم ..بالتوفيق وكل عام وأنتم بخير جميعًا".

وأضاف: "خطوة كويسة بدل الهلس اللي منتشر في كل مكان ، لعل و عسى حد يظهر قدامه فيديو بالصدفة و يستفاد".

وقالت أخرى: "جزاكم الله خيرا ده عشان توصوا للناس بكل الفئات العمرية أينما كانوا".

وقال آخر: "ده هيحقق الوصول لكل الناس..فكرة ممتازة".

ومن ناحية أخرى سخر أحد المستخدمين قائلاً: "معلش بس يا مولانا استسمحك في السناب اثابكم الله !".

وسخر آخر قائلاً: "وأنا اللي كنت مكسوف أن ليا حساب على تيك توك بعلم بيه القراءة والكتابة، والقواعد النحوية بالأغانى".

وقال أحدهم مازحًا: "مفيش لينك صراحة أفضفض ليك شوية يا مولانا".