منة فضالي لـ«العاصمة»: «عندى اكتفاء ذاتى.. والراجل لا حيزودنى ولا حينقصنى»
كتب: شروق خالد
كشفت الفنانة منة فضالي في ندوة صحفية بـ"العاصمة" عن مواصفات زوجها المستقبلي، بالإضافة إلى حديثها عن تجاربها التي لم تكتمل في الحب والعديد من التفاصيل الأخرى.
وقالت فضالي: "لما أحب شخص لازم أكون مستريحة معاه جدا، وأهم حاجة عندي الأمان والراحة ويحب أمي جدا.. ده لو مش متوفر خلاص".
وتابعت: "عندي احساس دايما إني عايزة شخص شبهي ودي صعب إني ألاقيها دلوقتي، يعني أنا بحب أبقى طبيعية وسلسة وبحب الناس ومعنديش عقد نفسية ومش بخيلة ومتصالحة مع نفسي، وده صعب آلاقيه في راجل، لأن الرجالة عندها مشاكل نفسية كتير، وخاينين طبعا طول الوقت".
عن عدد تجاربها التي لم تكتمل في الحب، أضافت: "حبيت 4 مرات وأكتر تجربة أثرت فيا نفسيًا كانت آخر واحدة ومكملتش عشان حصل بينا سوء تفاهم وممكن يكون بسببي أنا ولكن معدتش التجربة تاني ومش هعيدها، مضيفة: "عايزة أشوف شغلي وماما وكلابي دول أهم".
واستطردت: "عندي اكتفاء ذاتي ومش ناقصني أي حاجة وبحمد ربنا على كده، متابعة: "لا راجل هيزودني ولا هينقصني أنا طول ما أمي كويسة وأنا تمام وصحتي كويسة وقادرة أفتح بيتي، خلاص أنا مش عايزة أي حاجة تانية".
أما عن عيوبها فأجابت منة فضالي: "أنا شكاكة جدا ومتسرعة".
ومن ناحية أخرى، حققت الفنانة منة فضالي نجاحًا كبيرًا على المستوى الجماهيري والنقدي، في مسلسلي «جعفر العمدة» و «سره الباتع »، واللذين شاركت بهما في موسم دراما رمضان 2023.
