بعد نهاية «جت سليمة».. دنيا سمير غانم: «الجمهور أثبتلي إن ليا أهل في كل بيت»

أعربت الفنانة دنيا سمير غانم، عن سعادتها بردود الأفعال من جمهورها حول مسلسلها الجديد "جت سليمة" الذي عرض في رمضان.

ووجهت دنيا، عبر صفحتها الشخصية علي موقع الصور والفيديوهات انستجرام الشكر الي فريق عمل مسلسلها جت سليمة والجمهور، قائلة: "شكرا مهندس الصوت أحمد جمال البش مهندس جيمي، شكرا مهندس صوت الاغاني الجامد خالد سند اللي تعبمعانا جدا السنة دي والسنة اللي فاتت بسبب ضيق الوقت دایما بس حقيقي عملت شغل جامد جدا شكرا الشاطر اوي اوي مصمم الاستعراضات ال creative هادي عواضة،شكرا للمحترم طارق علوش علي الميكساج، شكرا لكل فريق الانتاج، شكرا فاطمه بهجت الشاطره اوي makeup artist اللي بجد مجتهدة جدا وعايزة تطلع كل لوك أحلي من اللي قبله شكرا ماكير العمل إيهاب محروس".

وأضافت: "شكرا هیثم دهب وهشام دهب عشرة السنين ویا رب دايما نكمل مشوار النجاحات مع بعض شكرا كل فريق الإخراج الجامد شكري الحكيم وعبد المجيد وحسين البيه و رجل المهام الصعبة شريف المليجي، شكرا للجامد اوي اوي، الشاطر، المبدع عمرو عاکف post production علي الجرافيكس و المونتاج و التلوين اللي رفع راسنا".

وتابعت دنيا سمير غانم: شكرا لمخرج العمل إسلام خيري اللي تعب جدا في العمل ده.. شكراً لكل طاقم العمل ولكل فرد شارك ف النجاح الكبير ده الحمد لله شكرا علي حبكم و خوفكم عليا اللي انا كنت حساه في كل لحظة وأنا بشتغل". 

واستكملت: "وشكرا للجمهور العظيم اللي بعد كل عمل بيثبت لي إن ليا أهل في كل بيت، الحمد لله اللي بيخليني أعمل أقصي ما عندي عشان أكون عند حسن ظنكم".

واستكملت: "شكرا لجوزي وحبيبي رامي رضوان اللي دايما بيدعمني وبيفرح لنجاحي وأخيرا بقي شكرا لروح قلبي وحياتي نجمتي الصغننه اللي نورتني وأبهرتني أنا شخصيا ما شاء الله، ربنا يحفظك يا قلبي ويكتبلك الخير والسعادة انت وكل أطفالنا ويا رب مستقبلكم يكون منور وحظكم أحسن مننا يا رب كل سنة وانتم طيبين".