بعد منع لافتة «عاش هنا».. سماح أنور: «مش هيبقى ليكم قيمة من غير الفنانين»
كتب: عزة عبد الحميد
هاجمت الفنانة سماح أنور الشعب المصري الذي يقوم بالهجوم على الفنانين، بعد أن قام بعض من الناس الهجوم على ممثلي وزارة الثقافة لعدم وضع لافتات على منزل والدها تحت اسم "عاش هنا".
وظهرت سماح أنور خلال فيديو عبر حسابها الشخصي بموقع التواصل الاجتماعي، فيسبوك، قالت من خلاله :"هتفضلوا تبهدلوا في الفنانين يا شعب مصر كتير؟، بترموا قيمتكوا وتدوسوا عليها وفاكرين إن هيبقى لكم قيمة من غيرهم، محدش شتم فنان ولسه حد فاكره، إنما الفنان عايش بأعماله سواء حي أو ميت".
وأضافت، قائلة :"أن هناك جزءا كبيرا من الشعب المصري يكره الفن والفنانين، فبعض أصحاب العقارات يرفضون مبادرة وزارة الثقافة بوضع لافتة "عاش هنا" على المباني التي عاش فيها الفنانون الكبار الراحلون".
و أشارت سماح أنور إلى أنها ستتقدم بشكوى رسمية بسبب ذلك، قائلة: "أنا مخنوقة أوي من الناس اللي في مصر اللي روحها ضلمت وبتوع كره وشتيمة وقلة قيمة عشان دي عيشتهم عشان هما اللي اختاروا كده، عموما دي شكوى كبيرة بقدمها أنا، وبقول وزارة الثقافة بتحاول تعمل تنسيق حضاري ولفتة لفنانين مصر الراحلين اللي لهم قيمة في وسط ناس عايشين ملهمش قيمة وهيموتوا محدش يعرفهم".
تابعت: "الشعب بيكره الفنانين، مبيحبهمش خالص، وبيشتمهم وبيص لهم بصة دنيئة وبايخة.. الفنان بيبدع ويتبسط عشان يبسط الناس، واللي مش سعيد بالفن والفنانين يولع، إحنا مش بنعملك حاجة، إحنا بنعمله لينا وللموهبة اللي ربنا خلقها فينا".
وكان ذلك بسبب، أن ممثلو وزارة الثقافة ذهبوا لوضع اللوحة على منزل والدها السيناريست أنور عبد الله ووالدتها الفنانة سعاد حسين ومنزل الفنانة شادية فرفض أصحاب العقارات ذلك، وهددوا بتحطيم اللافتات في حال وضعها.
