بعد فقدانه القدرة على المشي.. نجل محمد ثروت: الاختبارات بتكشفلنا المزيفين

رغم الأزمة الصحية التي يعاني منها، واستمراره في العلاج بالخارج بعد فقدانه القدرة على المشي، بسبب إصابته بمرض مناعي نادر، عاد الفنان والمخرج أحمد ثروت نجل المطرب الكبير محمد ثروت، لممارسة عمله بمكتبه على كرسي متحرك، وذلك لفترة محدودة قبل سفره من جديد لبدء جولة جديدة من العلاج.

ونشر نجل محمد ثروت، صورة  جددية له من داخل مكتبه عبر حسابه الرسمي بموقع "فيسبوك"، وعلق عليه قائلا: "الحمد لله من داخل مكتبي"لفترة محدودة" بعد ٣ شهور.. المكان دة بنسبالي ١٠ سنين من حياتي، شغل، تعب، نجاح، ادارة ازمات واحلام اتحولت لمشاريع ومعافرة مستمرة لتقديم كل ما هو جديد… اتعرفت فيه علي ناس تحولوا من زملاء في الشغل لأخواتي الي مش بشبع منهم والحمد لله بنشتغل مع بعض ونخرج ونتفسح ونسافر مع بعض".

وتابع: "ولما رجعت الشركة مش عارف أوصف أنا فخور بيكم قد إيه ومهما أقول مش هيوفي حقكم إن في ظل ظروف الاختبار اللي أنا فيه كنتوا السند الي حافظ علي حلمي غنه يستمر ويفضل يكبر بفضل ربنا علينا ومجهودكم والحقيقي عرفت إن الشركة فعلاً مش محتاجاني طول ما فيها أبطال ولاد اصول زيكم".

واختتم: "فعلاً الاختبارات ربنا بيحطنا فيها بتكشفلنا المزيفين واللي بياخدوك مرحلة وبرضو بتبين معادن الناس الحلوة اللي ربنا بيبعتهم لينا في صورة رزق اللي بتقدر تسند عليهم طول العمر".