بعد وصول سعره لـ 670 جنيها..كتاب الأضواء تريند.. ومتابعون: «هنقعد عيالنا في البيت»
كتب: رحاب جمعة
حالة كبيرة من الجدل تسبب فيها "كتاب الأضواء" جعلته يتصدر موقع التدوينات المصغر تويتر "إكس" بعد مزاعم بأن سعر كتاب العربي الثانوي العام وصل إلى 670 جنيهًا ودفتر الامتحان وصل إلى 500 جنيهًا.
سعر كتب الأضواء
سأل أحد المتابعين قائلاً:":"إيه السبب إن كتاب الأضواء يكون غالي كده، طلعنا بنستورد ورق ولا حرام أولاد الفقراء يتعلموا، الحل اللي هيخلي السعر دا يقل إن الطلبة تصور الكتاب وخلاص مش لازم نسخة أصلية".
وقال آخر: "كتاب الأضواء ثانوي عام عربي سعره 670 جنيها ، وكتاب الامتحان 500 جنيها ، ولسه ياما هينشوف.
وأضاف آخر:"كتاب الأضواء في اللغة العربية للصف الثالث الثانوي بـ 670 جنيها الطالب محتاج لكل مادة كتاب
يبقى 10 مواد في 500 جنيه متوسط سعر مجموعة الكتب للمواد الأخرى يبقى المجموع 5000 جنيه كتب فقط لطالب في ثالثة ثانوي، لو ولي الأمر عنده طالبين ثلاثة كمان محتاجين الكتب الخارجية يبقى نضرب 5000 جنيه في 3 طلبة".
يبقى 10 مواد في 500 جنيه متوسط سعر مجموعة الكتب للمواد الأخرى يبقى المجموع 5000 جنيه كتب فقط لطالب في ثالثة ثانوي، لو ولي الأمر عنده طالبين ثلاثة كمان محتاجين الكتب الخارجية يبقى نضرب 5000 جنيه في 3 طلبة".
وقالت أخرى: "اخويا تالتة ابتدائي كتاب الأضواء عربى بـ 130 جنيه فاكر على أيامي كان الكتاب ميتعداش الـ 17جنيها".
وسخر أخر قائلاً: "احنا بالوضع ده نقعد عيالنا في البيت ونحفظهم قرآن ينفعهم في الدنيا والأخرة".
وقالت ولية أمر أخرى: "أسعار الكتب الخارجية اصبحت لمن استطاع اليها سبيلا، وكمان اصبحت سوق سوداء ، وده حمل علينا ولازم وزارة التربية والتعليم تحسن من الكتاب المدرسة رحمة بالمواطنين".
