السيناريست عمرو سمير عاطف عن ويجز: «لا صوت ولا كلام ولا أي حاجة»

هاجم السيناريست عمرو سمير عاطف، مغني الراب ويجز، مؤكدًا أنه لا يمتلك موهبة، بالإضافة  لعدم قدرته على اختيار الكلمات المناسبة.

وجاء ذلك عبر حسابه الخاص بموقع التواصل الاجتماعي«فيسبوك»، قائلا: «فيه حالة كده بخصوص ويجز، اللى هو معلش يا جماعة الذوق اتغير، وافتكروا زمان لما حميد الشاعري طلع والأغنية الشبابية، ويالا بينا نحاول نفهم ونتفهم إعجاب الشباب بيه، لأنهم أكيد معاهم حق».

كما أوضح السبب في إعجاب الشباب بأغاني ويجز وقال «معلش أنا آسف والله بس حتى لو فعلا الذوق اتغير ويجز مش معبر عن ده، في اعتقادي الإقبال عليه والاهتمام بيه راجع لأن كلام الأغاني بتاعته بيبقي زي سيم كده بينه وبين اللى بيسمع وألغاز محتاجة تفكير، عشان تتحل إنما لا مزيكا ولا صوت ولا كلام ولا أي حاجة من دي نهائي».

وتابع متحدثا عن أغنية البخت: «لو أغنية زي البخت دي كان ويجز من 10 سنين قدمها لأي منتج كان طرده وممكن اعتدى عليه كمان، من حقك -وده مفروغ منه قطعا- إنك تسمع وتحب اللي انت عايزه ومش من حق أي حد أنه يمنعك من ممارسة الحق ده.. لكن ويجز ده مش فن ثوري جديد ولا حاجة». 

يذكر أن، ويجز أحيا حفلًا غنائيًا ضمن فعاليات موسم الرياض وظهر خلال الحفل بملابس غير مألوفة أثارت ضجة كبيرة حوله وانتقده عددًا كبيرًا من الإعلاميين والفنانين.