ميار الببلاوي لـ«بسمة وهبة»: طريقتك فى الكلام عنى مضايقانى وما جريتش ورا تريند

ردت الفنانة والإعلامية ميار الببلاوي على انتقاد الإعلامية بسمة وهبة لتصريحاتها حول خضوع حديثها في برنامج "العرافة" للمونتاج عن طلاقها 11 مرة من زوجها وعودتها له دون محلل وذلك بعد هجوم أحد الشيوخ عليها.

وقالت ميار الببلاوي، ردا على ما ذكرته بسمة في مقطع فيديو، والتي اتهامتها فيه بإثارة الجدل: "رغم تحفظى على الجزء الاول واستخدام نفس الاسلوب الى كان مزعلنى ومخلينى فاقده تركيزى فى الرد فى الحلقه  الا انى هرد على الجزئيه بتاعت البوليكه... أنا بعد الحلقة مفتحتش بقى ولا اهتميت إيه اللى عمل تريند ولا لا.. أنا مكنتش مبسوطه بالحلقة عموما لكن كنت مبسوطه بأنى هكون معاكى لان اشهد الله انى بحبك جدا فى الله لموقف عملتيه معايا فى بدايتنا الاعلاميه وسابلك معزه فى قلبى لانى مبنساش المعروف".

وأضافت: "عموما طريقتك فى الكلام عنى  مضايقانى، أنا فعلا متكلمتش رغم المصايب اللى حصلتلى بعد الحلقه.. لانى قلت شويه والموضوع هيموت يعنى مجريتش ورا تريند ولا فضحت نفسى ولا كذبت زى محضرتك تفضلتى لكن بمجرد ما الشيخ اتكلم أيوه مكنش ينفع اسكت ولازم ادافع عن نفسى وأى حد كان بيقولى بسمه السبب بقولهم، أنا روحت بإرادتى وأنا الى جاوبت على الاسئلة بس هى مكنتش بتدينى فرصه للتوضيح فعلا كنت مضايقه من الطريقه جدا ودا افقدنى تركيزى تماما وبالنسبه للمونتاج قلت ان فى حاجات كتير اتمنتجت.. ودا حضرتك اقريتيه لكن مقلتش انك ركبتى صوت وكده بسمه".

وتابعت: «شكرا لنصيحتك لابنى وشكرا على دفاعك عنى  بس رجاء اتكلمى عنى بطريقة غير كده  لأنك عارفه أنى  مستاهلش اى إهانه ولا تجاوز، أسال الله العظيم رب العرش الكريم أن يغفر لنا أجمعين وبرضه أحبك فى الله».

اقرأ أيضا: «عملت مديرة أعمالي».. تامر حسني يكشف سبب حضور ابنته الكبرى لحفل تحرير سيناء