إبراهيم سعيد يرد على أحمد عفيفي: «هو الزمالك عايزني ببلاش»

رد إبراهيم سعيد نجم الأهلي والزمالك ومنتخب مصر السابق، على تصريحات أحمد عفيفي، المحلل الرياضي، التي قال فيها: النادي الأهلي وقع غرامة على إبراهيم سعيد بعد انتقاله للزمالك وتم إيقافه 6 أشهر.

وقال إبراهيم سعيد، خلال تصريحات تلفزيونية: هو قال الغرامة مليون جنيه ولكنها كانت مليون و700 ألف جنيه، وفي هذا التوقيت كانت غرامة كبيرة جدًا.

وأضاف: أنا يوم ما اتعملت عليا الغرامة أنا كنت أسعد واحد في مصر لأني انتقلت للزمالك وأنا أحسن لاعب في مصر وأحسن مدافع في مصر وحصلت على بطولات كثيرة مع الأهلي ومينفعش الأهلي يستغني عني ببلاش استحالة، كل واحد ليه التمن بتاعه فطبيعي النادي الأهلي اللي خيره على إبراهيم سعيد، ياخد مقابل.

وتابع: أنا ساعتها قولت طالما أنا عند النادي الأهلي غالي أوي كده ليه الأمور موصلتش اني استمر في النادي، النادي الأهلي حقه ياخد فلوس ومبلغ كبير، النادي الأهلي هو اللي عمل اسم إبراهيم سعيد، وكان السبب في شهرتي ونجوميتي، أنا في الفترة دي ممكن أكون كنت عنيد شوية، في الوقت ده تلقيت عروض من هانوفر الألماني ونادي ميونخ 1860 وبعدها نادي النصر السعودي، رفضت تلك العروض لأني كان عندي أمل الأمور تتصلح بيني وبين الأهلي وارجع النادي تاني لحد ما فوجئت إن النادي الأهلي لا يرغب في تواجدي مع الفريق.