خاص| يسرا اللوزي: أحمد السبكي له فضل كبير عليَّ.. وبيشوفني  بعين مختلفة

كشفت الفنانة يسرا اللوزي، عن رؤية المنتج أحمد السبكي لها، وروت عن تجسيدها لأعمال كانت تراها لا تليق بها في البداية واقتنعت عند تجسد الشخصية. 

وقالت يسرا اللوزي، في تصريحات خاصة لـ«العاصمة»، «الحج أحمد السبكي ليه فضل كبير عليا، عشان دائما بيشوفني  بعين مختلفة، كمان هو اول واحد فكر يجبني أجسد دور صعيدية في فيلم «ساعة ونص»، وانا لما أتعرض عليا الدور قولتله مش هعرف أعمله قالي لاء هتعرفي تعمليه وهنجيب مصحح لغة وهنعمل كل حاجة، فهو دايما مؤمن بيا وبيحطني في أدوار مختلفة وبيبعدني عن فكرة  تجسيد  البنت الكيوت».

وتابعت  اللوزي، شرف كبير ليا تواجدي ومشاركتي بمهرجان كبير ومميز مثل مهرجان الكاثوليك وعرض فيلمي«المحكمة» هنا قائلة:«الفيلم لما يكون مستواه مكتمل فنيا ويشارك في المهرجان  زي ده حاجة كبيرة بالنسبالي، خاصة أن الأفلام اللى مكتملة فنية بقت قليلة في السوق يعني ممكن 4 أو 5 أفلام بالكتير مكتملة واللي يقدروا يدخلوا مهرجان، عشان كده شرف كبير ليا أن موجودة هنا».