بعد أزمته مع رحيل ذكري.. محمد الشقنقيري يوجه رسالة اعتذار لزوجته

وجه الفنان محمد الشقنقيري، رسالة حب واعتذار إلى زوجته وأم أولاده، من خلال حسابه عبر موقع التواصل الاجتماعي "فيسبوك"، بعد أزمته مع عارضة الأزياء رحيل ذكري والتي وصلت للقضاء بعد تقديمه بلاغ ضدها بالتشهير به.

وبين في رسالة اعتذاره لزوجته أنها كانت الداعم له في السابق، وما زالت أيضا حيث تسانده في أزمته الحالية، قائلا: "بحبك.. وأسف من كل قلبي.. أسف قدام الدنيا كلها.. أسف علي أي تصرف ممكن يكون جرحك أثناء غيابك.. أسف علي دخولي في تفاهات خلال انفصالنا.. كان لازم أعمل لغيبتك الف حساب وكان لازم أقدر الأمور أحسن من كده.. حتي في طلاقنا اقحمتك في معاركي الخاصة وبرضة كنتي سندي الوحيد زي ما طول عمرك سند وضهر".

وأضاف: "أسف عمري كله إلي جاي، بس إللي بينا أكبر بكتير من كل ده.. احنا بينا مش عشرة سنه ولا اتنين احنا بينا عشرة  ٢٥  سنة، بينا بيت وحياة وولاد وعشرة عمر.. أنت حب العمر كله، انت الحب الوحيد في حياتي".

وتابع: "أنا وعدتك واحنا بنرجع إني عمري ما هاجرحك في يوم من الأيام وللأسف مافيش كام شهر ودخلتك في دوامة ملكيش ذنب فيها وفي وقت حتي مكنتوش موجودة في بس برضة كان لازم أخد بالي كويس، أنا بعمل إيه وبتعامل مع مين وإزاي، وبرضة أنت الوحيدة اللي واقفة معايا مش عارف أقولك إيه ولا اعتذرلك إزاي، بس أنا حقيقي أسف وحقيقي عمري ما حبيت ولا هأحب ست غيرك".