وليد منصور عن ظاهرة منظم الحفلات: «بقينا في زمن إنتش وإجري»
كتب: نسرين إبراهيم
انتقد المنتج ومنظم الحفلات وليد منصور، ظاهرة انتشار مهنة منظم الحفلات والتي يعمل بها أشخاص لا علاقة لهم بالمهنة.
وكتب وليد عبر صفحته الرسمية علي موقع التواصل الاجتماعي فيسبوك: «زمن انتش واجري ستايل.. ده اللي بيحصل في عالم الحفلات.. ظاهره منظم الحفلات المنتشره بشكل مضحك للأسف كل واحد معاه رقم مدير أعمال أو صديق فنان أو جار حد صاحب فنان أو ابن خالة حد جاره زميل أخو فنان أو مدير أعمال فنان أو شريك مدير أعمال، بقي يقولك أنا منظم حفلات».
وأضاف: «للأسف الفنان ساعات يكون سبب في إنه يساعد ناس تقول كده علي نفسها إن الفنان علشان يضمن الحد الأدني من نجاح يقول إني هاجي بكل التجهزات بتاعتي، وأنت نظم بقى وفي الأخر الحفلة بيكون كلها مشاكل الدين والدينا ويطلع بقولك أنا منظم الحفل بره مصر وأي دوله منظم الحفلات ده لازم سجل تجاري و مقر وسابقة عمل و حاجات كتير».
وتابع، قائلا: «منظم الحفل هو اللي بيحجز المكان ويعمل تصاريح ويقعد مع الأمن يعمل خطه الأمنيه، ويروح ضرايب الملاهي، وهو اللي يرسم شكل المسرح وينظم دخول الجمهور وخروجه وسلامة الجمهور وتوفير الإسعاف والمطافي وتصوير الحفل وعمل دعايه الحفل وكل تفاصيل الحفل عنده ده منظم الحفل».
واستكملوليد منصور: «في مصر ناس كتير وكيانات محترمه زي موسي ابوطالب وأشرف هريدي وهادي لبيبه جارو، يا جماعه بجد إرحمونا ويا فنانين بجد مفيش حاجه اسمها كده الحفله مش إنك تيجي بتجهيزات يبقي كده حفله ولازم نفهم في فرق بين منظم الحفله وصاحب الحفل أو منتج الحفل او جهة صاحبة الحفل كلمتين كل ما اقعد مع حد يقولي والنبي اشرح لينا اللي بيحصل في شغلانه عندكم».
واختتم وليد منصور: «عدم خبره منظم هي اللي بتظهر لينا ناس غريبه يتعمل ليها حفلات واخيرهم هتلاقي انتش واجري بكره بيعمل حفلة».
