بعد عودة شيرين لـ حسام.. ياسمين عز: «الست ملهاش غير بيت جوزها»
كتب: نسرين إبراهيم
علقت الإعلامية ياسمين عز، على إعلان الفنانة شيرين عبدالوهاب عودتها لزوجها السابق الفنان حسام حبيب.
وقالت «عز» في تعليق خلال برنامج «كلام الناس»، الذي يعرض عبر قناة «إم بي سي مصر»،: «أنا مش جاية أفرح فيكم ولا جاية أشمت فيكم، أنا جاية أقولكم واحد ليا وصفر ليكم».
وأضافت: «أنا فخورة بشيرين عبدالوهاب ومبسوطة ومبهورة بيها، إنتي ست أصيلة، قلنا الست ملهاش غير بيت جوزها قلتوا اطلعوا من البلد، قلنا مفيش كرامة بعد الجواز، قلتوا الكرامة، مفيش كرامة بين الزوج وزوجته، قدامكم نجمة الدنيا طبقت الكلام بالملي، وقالت له حاضر يا سي حسام».
وتابعت «عز»: «قلنا قولي له يا سي فلان وكلمتين حلوين، قالت لك يا سي حسام، قلنا صوتك يبقى واطي ومشاكلك جوه بيتك ومتنقديش جوزك قدام الناس، شيرين طبقت النصيحة بالملي، واعتذرت لحسام قدام العالم كله».
