بسمة وهبة: «شيرين عبدالوهاب وحسام حبيب لسه بيحبوا بعض»

قالت الإعلامية بسمة وهبة: "كنت أتمنى رجوع الفنانة شيرين عبدالوهاب لزوجها السابق حسام حبيب وأنا متأكدة من أصدقاء مشتركين إنهم لسه بيحبوا بعض جدا بشهادة كل اللي حواليهم". 

وقالت بسمة وهبة في رسالتها لشيرين: “الناس على السوشيال ميديا نصبوا نفسهم فريق تحكيم على شيرين ومش عاجبهم إنها ترجع لحياتها العادية.. اللي ميفرحش برجوعهم إنسان مش سوي ونفسيته جحيم". 

وأضافت بسمة وهبة خلال تقديم برنامج "90 دقيقة" المذاع على قناة المحور: "مهما حصل من أخطاء لازم البني آدم يتنازل عشان العشرة والمحبة، وشيرين من الفنانات القلائل اللاتي لم يتغيرن بسبب شهرتهن".

وتابعت: "حسام حبيب بيحب زوجته السابقة الفنانة شيرين عبدالوهاب.. دا كلام من مصدر موثوق وهو إنسان محترم جدا سيبوهم في حالهم".

وأضافت: "اشتري سعادتك يا شيرين وسيبك من الكوميكس والمرضى.. متسمعيش كلام حد وشوفي قلبك بيقولك ايه ولو عاوزة ترجعي لحسام ارجعي له ولا يهمك حد ومحدش له عندك حاجة".