بعد قرارها تبنيه.. منة فضالي تروي قصة وفاة طفل رضيع

روت الفنانة منة فضالي قصة مأساوية لوفاة طفل رضيع بعد ترك والدته له بمستشفى بالفيوم. 

وقالت منة فضالي عبر حساب منسوب لها على فيسبوك: "الولد ده اتولد من ٥ أيام أمه خلفته في مستشفي في الفيوم وقالتلهم أنا مش عاوزاه أرمو في الشارع".

وأضافت: "الممرضة صعب عليها خدتو تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني واحده تانيه بتشتغل معايا في البيت اختها اخدتو تربيه سافرت الفيوم واخذت الولد و ودتو لدكتور طلع عنده الصفره بتقولي النهارده قولتلها هاتيه انا حتبناه لاني نفسي يبقي عندي طفل  من شويه بتكلم اختها قالتلها الولد مات بعد ما ابتديت اخد اجرات التبني مش قادره اوصفلكم حالتي حقيقي ولا اوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره دي بس يعلم ربنا اني كنت حخليه احسن حد في الدنيا مش الام اللي بتخلف الام اللي بتربي" 

وتابعت فضالي: "أنا بكتب البوست ده لأني فعلا موجوعه من قلبي وكنت فرحانه اني حاخد الولد بس ربنا مش رايد.. ربنا يرحمك برحمتو وحسبي الله ونعمه الوكيل في الست دي ربنا ينتقم منها اشد انتقام د احنا الحيوان بيصعب علينا ما بلكم طفل ملوش اي ذنب غير ان واحده معندهاش قلب ولا ضمير ترمي ابنها".