محمد حماقي: عملت أغنية «في جوه قلبي حاجة مستخبية» وطلع عندي جلطة في القلب

كشف النجم محمد حماقي عن تفاصيل الأزمة الصحية الكبيرة التي تعرض لها أثناء تسجيله لأغنيته "حاجة مستخبية"، ونقل على إثرها إلى المستشفى وأجرى عملية جراحية عاجلة.

وقال حماقي: "أغنية في "حاجة مستخبية" عملت قلبان، هى أصل الأغنية ديه غريبة، حصلتلي أزمة صحية عام 2011 ، كنت في يوم عند أحمد إبراهيم، وشغالين ولقيت حاجة بتوجعني في ضهري، وقولتله أنا مش حاسس إني مظبوط، وأنا هروح ونزل معايا".

وتابع: "وبعد ما ركبت العربية ومشيت، كلمت تومة قولتله أنا هروح مش مظبط، وياسر كلمني وقالي في إيه لقيت ضغطي 160 على 110، وراح ياسر الصيدلية يجبلي دوا، والدكتور مرضيش يديلوا عشان أنا مكنش عندي الضغط، وكان أمين جدا، وقالوه شربه كركديه".

واستطرد: "الكلام ده بليل متأخر شوية، وشربت الكركديه ولقيت الضغط نزل، بعد كده تعبت تاني، قالولي أنت دلوقتي حالا تروح على مستشفى تاني، ولو قبلتك إشارة تكسرها، مضيفًا: "وروحت على المستشفى التانية وعملت عملية قسطرة قلب، وكان عندي جلطة في القلب والحمد لله اتلحقت في الوقت اللي متسبش أثر".


إقرأ أيضًا: كفاية 36 سنة تشجيع.. قرار مفاجئ من محمد حماقي بعد فوز الأرجنتين بكأس العالم

واختتم حماقي حديثه قائلا: "والمصادفة كانت أن الأغنية في جوه قلبي حاجة مستخبية، ونزل إشاعات إن حماقي هيبطل، بس الحمد لله رديت عليهم بعد ما خفيت وخليك الألبوم اسمه "من قلبي بغني""، وجاء ذلك خلال استضافته في رأس سنة 2023 مع الإعلامية والفنانة إسعاد يونس في برنامج "صاحبة السعادة" المذاع عبر شاشة قناة DMC.