الرئيس السيسي: «الحكومة مطحونة ولسه بدرة اوى على الصعيد»

قال الرئيس عبدالفتاح السيسي، إنه يتابع "السوشيال ميديا" جيدًا وتعليقات كل الناس، :"واحد مثلا يقول يعني يا كامل يا وزير مش كفاية أسفلت بقى!! ده أول حاجة تتعمل هو الأسفلت.. شبكة الطرق علشان نوصلكم وتوصلولنا.. يا عيني الناس اللى بتقول كده عايشة في مناطق ما شفتش أهالينا في كل حتة في مصر عايشين إزاى وبيمشوا إزاى؟ والبنية الأساسية اللى عندهم أخبارها إيه".

أضاف الرئيس السيسي خلال افتتاح عدد من المشروعات بمحافظة سوهاج، قائلاً :"كنا بنقول عندنا صرف صحي لكن نسبته قد إيه 10 أو 13%.. أول ما بدأت سألت: طيب اللى قبل مننا ما كنتش عندهم حلم يعملوا 100%.. لأ عندهم.. بقول كده علشان أبدا أبدا تفكروا كويس جدا قبل ما تطلعوا الكلمة من لسانكم.. لأن الكلمة هنتاسحب عليها قدام الناس والتاريخ وقبل كده ربنا.. كل كلمة محسوبة بدقة.. خلى بالك ما تقبلش الكلمة لأنني أنا شاطر قوى وأنا اللى بعمل.. اللى قبل مننا كانوا عاوزين يعلموا بس مقدروش يعملوا.. كنت بتحلموا كان نفسكم اه طيب منفذتوش ليه؟ مفيش".

قال الرئيس عبد الفتاح السيسى، أثناء افتتاحه عددا من المشروعات القومية والتنموية بمحافظة سوهاج، فى إطار استراتيجية تنمية الصعيد: يجب أن نسعى نحو أحلامنا وأن نصدق أننا نستطيع تحقيقها.

وجه الرئيس عبد الفتاح السيسي، بتوفير الدعم اللازم للمشروعات الشبابية من صندوق تحيا مصر.

وأشار الرئيس السيسي، خلال كلمته في افتتاح مشروعات قومية جديدة في محافظة سوهاج، فى إطار استراتيجية تنمية الصعيد قائلاً :"لما الاقي حلم عند شباب مصرى.. الحلم ده ممكن يتعمل منه حاجة.. مش أقول ربنا يوفقهم.. لا ده يمكن يجبلي حاجة.. أي مشروع يجبلي حاجة.. وحاجة جنب حاجة.. البلد دي موقفها يتغير.. بقولكم كده بسبب موضوع النمو السكاني".

وتابع الرئيس السيسي: "النهاردة يوم جميل وعام جديد وكل سنة وأنتم طيبين.. بنفكر دايما بعض بحجم التحدي والمشكلة.. الموضوع مش فساد حكومة ولا فساد إداري ولا تهميش.. أقول حاجة بسيطة.. أنا اعرف كويس يعني أيه قرش؟.. واعرف ايه يعني دولة بفضل الله.. ودولة تبقي قد الدنيا بيكم وافكاركم وجهدكم.. مستمرين بالطريقة دي.. والدعم من صندوق تحيا مصر.. طب الرقم كام؟.. مش عاوز أقول.. حطوا أفكاركم في ميزانيات ولجنة تشرف على ده ولكم ولغيركم من مشروعات شبابية.. واحنا ان شاء الله نوفر الدعم.. كل اللى قولتوه ده نشوفوا.. كل المشروعات والأفكار.

وجه الرئيس عبد الفتاح السيسي، بتواجد مترجم للغة الإشارة من أجل نقل فعاليات الافتتاحات مثل افتتاح اليوم في محافظة سوهاج إلى القادرون باختلاف، قائلا: "لابد من تواجد مترجم من لغة الإشارة لأن الناس كلها بتشوفنا ومن حقهم يشوفوا الحاجات دي.. لازم حد موجود لترجمة الكلام لكل الناس". 

قال الرئيس عبد الفتاح السيسي، إن الدولة المصرية تحتاج إلى 70 تريليون جنيه وليس 7 تريليونات جنيه استثمارات لتنفيذ مشروعات لخدمة الناس، معقبا: "يا رب يعلمنا ويفهمنا وإننا نشوف.. واللي نشوفه نفهمه".

أكد الرئيس عبدالفتاح السيسي، إن محافظات الصعيد لم تك مهمشة ولا منسية لكن الدولة لم تكن قادرة، مضيفا: "لسه بدرى .. في قرية أبو دومة قالوا إن الصعيد كان مهمشا وبيتنسى.. وانا بقولكم لا.. الصعيد ماكنش مهمشا ولا منسى.. البلد ماكنتش قادرة بس".

 أضاف الرئيس السيسي خلال افتتاح عدد من المشروعات بمحافظة سوهاج، فى إطار خطة تنمية الصعيد: "لازم نحترم عقول بعض ..ونبقا موضوعيين وصادقين في التقدير والتقييم لواقعنا ونعرف ليه واقعنا كده؟ علشان البلد مش قادرة .. ومكنتش قادرة .. طيب اللى بيتعمل ده؟ قبل كل شيء توفيق ربنا سباحانه وتعالى ..وثانيا محاولة لتطوير الفكر علشان كده متحمس قوى ليكم ومتحمس دايما للفكرة لانها ممكن تحل مسالة بالمسارة التقليدية متتحلش والفكرة تنجح بالمسار التقليدي متنجحش ..وبالفكرة توفر المسار التقليدي متمولش..الفكرة كده ..البلد اللى ظروفها والنايس اللى ظروفها مش متيسرة قوى معندهاش غير الفكرة والحلم والعمل".

أكد الرئيس عبد الفتاح السيسي، على جاهزية دعم المشروعات الشبابية المختلفة، قائلا: "احنا جاهزين.. الأرقام اللى مش تحلموا بيها ومش من جيب الحكومة.. طب ليه.. لأنى مرتب ترتيبات تانية.. الحكومة يعني الدكتور مصطفي مش يزعل مني الحكومة مطحونة جدا".