مرتضى منصور: أنا زهقت وعايز أمشي.. ومش هكمل الدوري
كتب: محمود جودة
هاجم المستشار مرتضى منصور، رئيس نادي الزمالك، اتحاد الكرة ولجنة الحكام، عقب تعادل الزمالك مع الداخلية بهدف لكل فريق، اليوم الخميس، في الجولة الـ 12 من الدوري المصري الممتاز.
تصريحات مرتضى منصور بعد التعادل مع الداخلية
وقال مرتضى منصور في تصريحات عبر قناة "الزمالك": "أنا عايز أمشي من النادي ومش قادر استحمل ومش عايز ارتكب جناية في البلد.. محدش قبلي ولا بعدي عمل اللي عملته في الزمالك".
وقال رئيس الزمالك: "احنا معمولنا سحر وشعوذة.. الكورة مش عايزة تدخل إلا بالعافية وأجوال عفاريتي بتدخل فينا".
وأكد مرتضى منصور: "لن نستكمل الدوري في ظل وجود هذه اللجنة المنحرفة، هما مش عايزين الزمالك ياخد 3 دوري ورا بعض لصالح الفريق المنافس اللي عايزينه يكسب الدوري بالتحكيم والإعلام".
وحول أزمة فتوح وعبد الله جمعة قال مرتضى منصور: "هما معندهمش كورونا وسابوا الماتش عشان كانو محششين ولا معرفش إيه، وعرفوا ان فيه تحليل منشطات بعد الماتش، وأنا هعرضهم للبيع، بس بعد ما أحللهم الأول".
وأضاف: "فتوح قالي إنه هيمشي يروح الأهلي قولتله هات عرض وأمشي".
وأكد رئيس نادي الزمالك عقد اجتماع طارئ لمجلس الإدارة مع المدير الفني لفريق الكرة جوسفالدو فيريرا، لاتخاذ القرارت اللازمة بشأن الأوضاع الحالية في الفريق.
