فاروق فلوكس عن ابنه أحمد: «مش بيتكلم إلا لما يكون فيه ظرف ومع ذلك بدعيله في صلاة الفجر يوميا»
كتب: شروق خالد
كشف الفنان فاروق فلوكس، عن تفاصيل علاقته بابنه الفنان أحمد فلوكس، وذلك خلال استضافته مع الإعلامية راغدة شلهوب في برنامج «نص الكلام»، المذاع عبر فضائية «النهار».
وأوضح "فلوكس" بقوله: "لما انفصلت عن أم أحمد اتجوزت بعد سنة ونص ولقيته بيقولي بعدها أنا عايز أعيش معاك أول ما جه قال لمراتي التانية، أنا جاي أخد بابا منك، كان عايزني أرجع لوالدته، لكن كانت استحالت العشرة".
وتابع: "أحمد هوائي ولكن قلبه طيب جدًا".
واستطرد: "بحاول أنا وأخته نكلمه بس هو مش بيتكلم إلا لما يكون فيه ظروف، وآخر مرة اتكلمنا كان من شهر ومش زعلان عشان نفسي، زعلان عليه، وبدعي له في صلاة الفجر يوميًا".
وفي سياق متصل، وجه فارق فلوكس، في نهاية حديثه رسالة إلى ابنه، قائلًا: "أتمنى أن ينشأ ابنه سيف حفيدي، على أن يكون معطاء لوالديه زي ما أحمد كان معطاء معايا".
