زوج علا غانم لـ«العاصمة»: «مراتي معندهاش فلوس.. واتفقت مع بلطجية عشان يضربوني»
كتب: إسراء محمد
نفى رجل الأعمال عبد العزيز حسن، زوج الفنانة علا غانم، ما تردد على لسان الأخيرة، بمساومته لها على الطلاق، ومطالبته لها بمبلغ 2 مليون جنيه نظير ذلك، معبرًا عن غضبه الشديد بما فعلته معه بالتعدي عليه بمعاونة عدد من البلطجية.
وقال عبد العزيز حسن، في تصريح لكاميرا "العاصمة": "محصلش ولا يمكن يحصل لأن 2 مليون يعني حوالي 30 ألف دولار أو ما شبه ذلك، ودول بنصرفهم في اسبوع أو 10 أيام، فده غير صحيح، وأنا عُلا عندي تساوي الملايين كلها، عمري ما كنت أطلب منها أي فلوس، وأنا عمري ما طلبت من علا فلوس أصلا، هعمل بيها إيه مش محتاج أنا أطلب منها 2 مليون".
وأضاف: "من ساعة ما علا وصلت أمريكا، وأنا كل حاجة بكتبها باسمها، من سنة 2017 لحد الآن، فكل حاجة اتكتبت باسم علا".
وتابع: "علا ما بتعملش فلوس كتير، وهي حد طيب جدا وكانت بتحاول تخدم المنتجين جدا من ضمنهم ممدوح شاهين، والمسلسل اللي عملته مع مصطفى شعبان اللي هو أبو البنات ده أخدت فيه أقل من 400 ألف جنيه".
واستكمل: "عُلا مسلسلاتها ما بتعملش فلوس، والأفلام ما بتعملش فيها 100 ألف أو 170 ألف، والأوراق تثبت ذلك، وماعندهاش فلوس، ولو كان معاها كانت تبني الفيلا، وعلا يادوب فلوسها كانت بتصرف بيها على أولادها، لأن أولادها بيصرفوا بما لا يقل عن 10 آلاف دولار في شهر دي مصاريف الأولاد في أمريكا في السنين اللي فاتت، فلو حاسبنا مصاريف الأولاد مع مصاريف علا وأم علا وأبو علا، مش هتكفي".
واستكمل: "ربنا يسعدها ويساعدها، وبقول تاني علا حد طيب وغلبان جدا بيحب أهله جدا، وكل اللي بيحصل ده بسبب اهل علا، لما علا كانت بتاخد مني الفلوس اللي هي عايزاها".
واختتم،: "علا معاها بتقول إن دي فيلتها وأنا معايا أوراق بتقول دي فيلتي وده بقيت الزوجية وهيفضل بيت الزوجية لغاية ما القانون ياخد مجراه، ولو علا عايزة ترجع أهلا وسهلا، عايز أقول أنا زعلان من اللي هي عملته فيا وانا جابت واتفقت مع بلطجية علشان يضربوني، وأنا في موقف مش قادر اقول قد ايه زعلان، لكن انا بسامحها لان حبي ليها فوق أي حاجة".
