كنت بتلكك عشان نتقابل.. شيري عادل تكشف تفاصيل قصة حبها مع طارق صبري

حل كل من الفنانة شيري عادل وزوجها الفنان طارق صبري، ضيوفا أمس ببرنامج "صاحبة السعادة" في ضيافة إسعاد يونس.

وقالت شيري عادل خلال الحلقة، عن قصة حبها وزواجها من طارق صبري:" أنا وطارق صبري تفاجأنا بخطوة الجواز، وكنا أصدقاء من اول ما اشتغلنا مع بعض في مسلسل "بنات سوبر مان" عام 2016، وبقينا أصدقاء لفترة وكنا بنتقابل ونتكلم عن حياتنا".

وأضافت: «علاقة حبنا نشأت صدفة وأصبحنا نشارك في حياة بعض دون ترتيب، وكان بيكلمني نتقابل لأي سبب وكنت بتلكك علشان أقابله».

واستكملت: «بدأت مشاعر الحب بينا تظهر مع الوقت، وطلب مني الجواز فجأة وقولت له يعني على طول كده؟، ودا مكانش ردي لوحدي لأن صحابنا كانوا شايفين أننا اتسرعنا وكان ردهم: بسرعة كده».

وتابعت: «كان نفسي أعمل الفرح على البحر، وأنا زي كل البنات الفرح بالنسبالي مهم عكس الرجالة اللي مش بيهمها الخطوة دي، اتفقنا في النهاية نعمل فرح الصيف الجاي».