«بعد فقدانه القدرة على المشي».. نجل المطرب محمد ثروت: أي حاجة بعد الصحة «رفاهية»
كتب: نسرين إبراهيم
يواصل الفنان والمخرج أحمد ثروت علاجه بألمانيا، بعد إصابته بمرض مناعي أفقده القدرة على المشى، ويخضع حاليًا لجلسات عديدة على قدميه والعلاج بعدما أصبح يستخدم الكرسي المتحرك في تنقله.
وشارك نجل المطرب محمد ثروت، متابعيه بصورة جديدة من رحلة علاجه، عبر حسابه على "فيسبوك"، وكتب كلمات مؤثرة، قال فيها: "زمان كنت بقول الحمد لله لما اعمل مشروع جديد أو انجاز في شغلي، ولما ربنا يسترها معايا ف اي حاجة، لكن مفهوم الحمد اتغير بنسبالي لمفهومه الصحيح وعرفت ان الحمد لله مش كلمة بتتقال علي خير جالك أو حاجة كان نفسك فيها اتحققت!".
واستطرد: "لأن من كتر ما نعم ربنا حوالينا هو مسخرهالنا…بنغفل، وبننسي ان الحمد في نٰفسك انه شغال لوحده وان جسمك مطاوعك في كل حركة بتأمره بيها وانك عارف تدبر حاجتك لنفسك!".
وتابع: "اي حاجة بعد كدة رفاهية، طبعاً تستاهل الحمد بس لازم نفهم ان ربنا لما بيستر، يرزق او يحمي اي حد فينا لازم نقول الحمد لله علي الموجود الي هو مسخرهولك في جسمك او حياتك".
وكان قد أصيب نجل محمد ثروت، بجلطة ودخل على إثرها المستشفى، وتطور الأمر بعد إصابته بمرض مناعي أثر على حركته وقدرته على المشى، وبسبب هذا سافر إلى ألمانيا لاستكمال علاجه بالخارج.
