انتصار للشباب: لو قعدت معاها واضايقت من ريحتها سيبها وقوم

كشفت الفنانة انتصار عن عدد من النصائح للسيدات في اللقاء الأول لها مع حبيبها، وذلك خلال برنامجها "من غير نفسنة"، المذاع عبر فضائية هي.

وقالت انتصار خلال الحلقة، "اللقاء الأول ده يا إما هنكمل مع بعض يا إما مش هنكمل القاعدة مش العلاقة وأوعوا تقابلوا بعض وتقولوا عشاء أو غداء وانت إياك تعزمها على غدا أو عشا، بس تقولوا هنشرب حاجة مع بعض".

وأضافت، " عشان لو أنت قعدت معاها واتضايقت من حاجة زي مثلا نبرة صوتها تفاهتها أو ريحتها متدبسش في 6 ساعات لكن هتشرب حاجة في نص ساعة وتقولها هشوفك بقى وتليفونات ده لو أنت اتخنقت نتيجة غبائها وعينك مش طايقة تشوفها".

واستكملت انتصار، "لو عجبتك قولها طيب تحبي نتعشى، ولو هو اللي مش عاجب البنت ترفض أنها تتعشى وتشرب حاجة وتمشي ولو عجب البنت تقوله أنا عزماك على الغداء وتلزيق المحبين ده".

وأنهت حديثها، "لو إنتي رغاية بطبعك وبتحبي تتكلمي في كل حاجة وسيرة أهلك مش لازم تعملي كل ده في أول أو تاني لقاء ومش لازم تحكي فركشتي مع مين قبل كده ومين اللي جه البيت واتقدم على فكرة هو مش جاي يعمل كشف هيئة الراجل لسه بيشوف روحك".