مها أحمد: «مسؤولة كبيرة في ماسبيرو قعدتني في البيت 5 سنين»
كتب: مؤمن نصر
علقت الفنانة مها أحمد على غيابها عن التمثيل لفترة طويلة قائلة: "اللي ضرني إن كان فيه وقت الثورة قيادات قاسية من المتحكمين في الدراما عاندت معاه من غير ما أقصد قعدني 5 سنين في بيتي".
وقالت "مها" خلال استضافتها ببرنامج "أسرار" مع الإعلامية أميرة بدر المذاع على قناة النهار: "كنت بعمل بطولة مسرحية وجالي ابن مسؤولة كبيرة في ماسبيرو، هي المتحكمة في توزيع الأدوار في المسلسلات، وابنها كان شغال سمسار أدوار ومامته شريكة في معظم الأعمال وانا مكنتش فاهمة للاسف ولو فاهمة كنت هعمل إيه بردو".
وأضافت: "ابن المسؤولة طلبني في أكثر من عمل كانوا كتير عليا فرفضت عشان الالتزام لأني بخاف على سمعتي، وكان موريني سابقة أعمال كبيرة جدا من ضمنها للزعيم عادل امام، وكانوا مصريين اشتغل في سيت كوم معين، لكني رفضت، وبسبب مسؤولة ماسبيرو للدراما تم وقفي 5 سنين، ومش مفروض أطلع ابرر لكل الناس كل حاجة، لأنها كانت قادرة أووي ساعتها، وانا كنت بعاند أكتر".
اقرأ أيضاً: مها أحمد: أنا بطلة من بداية ظهوري مش كومبارس زي ما بيقولوا
