عمر كمال عن انتقادات ظهوره بسيارة فارهة: «انجح عشان فيه عيون لازم تكسرها»
كتب: نسرين إبراهيم
أعرب مطرب المهرجانات عمر كمال عن استيائه الشديد بعد تعرضه لحملة انتقادات كبيرة، خلال الفترة الماضية عقب ظهوره بسيارات فارهة برفقة حمو بيكا وحسن شاكوش، وحملت هذه السيارات أسمائهم على اللوحات المعدنية أثناء تصويرهم فيديو كليب.
ونشر عمر كمال عبر حسابه الشخصي على موقع تبادل الصور والفيديوهات إنستجرام فيديو وقال: "لما كنت شغال في بنزينة كنت بجمع الجنيه والإتنين جنيه التبس بتاعي عشان مكنش ليا قبض، وشغال بالتبس بس، ولما كان بيخش عليا عربية ماركات عالية مبقلوش أمه اللي جيبهاله وبقول الحمد لله، اشمعنا أنا؟".
وأضاف: "أنا مش بنتقم أنا بنجح، أفضل وسيلة للانتقام النجاح علشان اللي استقل بيك ما يعرفش يشوفك تاني، يشوفك من بعيد ما يعرفش يطولك ويقول أنا كنت أعرفه في يوم من الأيام.. انجح علشان في قلوب لازم تفرحها وفي عيون لازم تكسرها.. الحياة ما بتحبش الضعيف ولا الشكاى ولا النداب.. الحياة بتجري، ولو وقعت محدش هيستناك هيدوسوا على وشك".
