بعد الهجوم عليه.. بسمة وهبة تدافع عن الدكتور حسام موافي
كتب: نسرين إبراهيم
علقت الإعلامية بسمة وهبة، على الجدل الذي أثير خلال الأيام الماضية بعد انتشار صورة للطبيب حسام موافي وهو في حفل زفاف ابنته، وظهر فيها وهو يقبل أيد رجل الأعمال محمد أبو العنين، مما عرضه لهجوم عنيف عبر السوشيال ميديا.
وقالت بسمة وهبة في مقطع فيديو عبر حسابها الرسمي على "إنستجرام": "دي تاني حلقة من حلقات مش هسكت، أول حلقة عملتها كانت بتاعت ميار الببلاوي".
وأضافت: "الفيدو اللي منتشر وهو الدكتور حسام موافي بيقبل يد النائب محمد أبو العنين، هتستفادوا إيه دكتور حسام رمز ودكتور شاطر ومهني ومفيد وبيضيف لمعلوماتنا وبيوسع أفق تفكيرنا وبيفيدنا بكل المعلومات ومش بيبخل علينا بيها.. وأنا عمري في حياتي ما قابلته.. بس مبدأ لما بني أدم يقع وأجيب كل السكاكين وأقعد أشرح فيه مش بحبه"
وتابعت: "طب أنتم معترضين إنه باس إيدين أبو العنين.. طب احنا إيش عرفنا بنهم إيه، يمكن الراجل مثلا وقف جنبه في محنة أو موقف.. لم بكون مع الشيخ جابر البغدادي بجري وراه علشان أبوس إيديه، لما ما بيرضاش، بروح نازلة وبايسة طرف جلابيته من محبتي له بسبب التعليم والثقافة الدينية اللي بأخدها منه لأنه بيرفع من شأني، كذلك الدكتور حسام موافي بيرفع من شأننا كلنا بعلمه، احنا ليه كده احنا ليه السوشيال ميديا عندنا بقت جلد عبارة عن دبح.. ليه كلنا مسكنا السكاكين وعايزين ندبح الدكتور حسام.. اللي أعرفه وانتم تعرفوه إنه راجل محترم.. بتجلدوه ليه.. بتهنوه ليه.. وتنتقدوه ليه.. بتحرجوه ليه.. إيه يعني لما باس إيدين أبو العنين، غلطة يا سيدي عملها.. راجل كبير في السن احترموه".
واستنكرت ما يحدث، قائلة: "ليه السوشيال ميديا وصلت لهذا المستنقع، ليه بقت متقسمة حروب وجيوش ولجان وناس جاهلة قاعدة ورا الحديدة وناس عندها أهداف"
واختتمت: "ده كان في مناسبة خاصة، ومش على الهواء في برنامجه علشان أحاسبه.. عيب يا جماعة ده رمز وراجل محترم ما يستاهلش مننا كده.. زمانه عامل ازاى دلوقتي من الهجوم عليه.. بطلوا جلد في الراجل.. يا دكتور موافي اطلع ولا يهمك انت راجل ليك احترامك".
اقرأ أيضا: حكيم يحتفل مع جمهوره بشم النسيم في شبين الكوم
عرض هذا المنشور على Instagram
