سمية الخشاب توجه رسالة لـ شيرين عبد الوهاب: «مافيش حد يستاهل أنك تتخلي عن شعرك عشانه»
كتب: شروق خالد
كشفت الفنانة سمية الخشاب عن رأيها حول ظهور شيرين عبد الوهاب حليقة الرأس بعد انفصالها عن الفنان حسام حبيب، مشيرة إلي أنها من المتسحيل أن تقدم علي نفس الفعل إذا مرت بنفس الأمر، حيث جاء ذلك خلال لقائها مع الإعلامية أسما إبراهيم في برنامج "حبر سري" المذاع عبر قناة "القاهرة والناس".
وأوضحت "الخشاب" بقولها: "لما شوفتها وهي حالقة شعرها أنا اتصدمت، لأن زمان لما الست كانت بتقص شعرها لما جوزها بيموت في الحرب من حزنها عليه والتصرف دا ليه كذا تفسير نفسي".
وتابعت: "ممكن تكون شيرين كانت عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا"، موضحة: "في كل الأحوال محدش يستاهل تتخلي عن شعرك، دا احنا بنقعد سنين نربي فيه".
واستطردت: "ولكن شيرين جميلة بشكلها وإحساسها واحنا بنعشقها وهي قوية لأنها برج الميزان".
واختتمت: "دي مش محنة، دي تجربة وعدت وشيرين هتستفاد منها واللي جاي أحلى من اللي فات، وربنا بيعمل الخير لينا، واحنا بس اللي بنشوف عكس كدا، لأننا بنبص في إطار محدود، مضيفة: "وعن نفسي أنا لا يمكن أعمل زيها، أصل عشان مين؟.. محدش يستاهل".
جدير بالذكر أن، آخر أعمال الفنانة سمية الخشاب هو مسلسل «موسى»، بطولة مجموعة من النجوم أبرزهم: محمد رمضان، عبير صبري، رياض الخولي، سيد رجب، صبري فواز، منذر رياحنة، هبة مجدي، وآخرون، من تأليف ناصر عبدالرحمن، وإخراج محمد سلامة، وتدور أحداثه في إطار من الدراما الصعيدي.
