عزيز الشافعي: النقد له أصول كثيرة وأهمها الأدب

كشف الملحن عزيز الشافعي، عن موقفه من النقد بشكل عام، والآراء السلبية التي يتعرض لها البعض، مستعينا بتجربة موسيقار الأجيال محمد عبد الوهاب في التعامل مع هذه النوعية.

وكتب عزيز الشافعي، في منشور له عبر حسابه على "فيسبوك": "كتير بيتعرض أي حد في شغله لتشكيك أو هجوم ممنهج في صورة نقد، وهو أبعد ما يكون عن النقد، لأن النقد له أصول كتير ولها العلم، وأهمها الأدب".

وأضاف: "عالعموم كلنا ممكن نتعلم من نصيحة أمير الشعراء أحمد شوقي لموسيقار الأجيال محمد عبد الوهاب لما أتعرض لهجوم شرس غير عادل وغير محايد في بداياته، فقاله شوقي هات الصحف دي كلها يا عبد الوهاب وأقف عليها.. هتكتشف إن الهجوم ده علاك وكبرك.. وكانت نصيحته دايما إنه ما يردش عالحاجات دي.. ودي نصيحه من دهب".

وتابع: "أكيد ده مالوش علاقة بالنقد المحترم اللي مهما كان قاسي بيبقى مفيد جدا عشان الواحد يتعلم منه، ومفيش حد كبير على العلم، وكلنا هنفضل نحاول لحد أخر لحظه إننا نجود في شغلنا ومفيش سقف للطموح.. وده كلام كلنا ممكن نستفيد منه".