أمير كرارة يوجه رسالة إلى محمد نجاتي بعد تصريحاته الغاضبة عن المقارنة بينهما
كتب: نسرين إبراهيم
حرص الفنان أميرة كرارة، على دعم الفنان محمد نجاتي، بعد نشره مقطع فيديو يكشف من خلاله رغبته في اعتزال التمثيل، بعد هجوم البعض عليه بسبب تراجعه في الفترة الأخيرة، ووضعه في مقارنة مع الأول.
وهو ما جعل "كرارة" يعيد نشر مقطع الفيديو الخاص به، وعلق عليه، قائلا: "يا حبيبي أنت نجم كبير وعلي دماغنا كلنا ربنا يكرمك ويزيدك ويرزقك ويجمعنا مع بعض فعمل واحد وشرف ليا".
وأثار محمد نجاتي، جدلا واسعا، بعد ظهوره في مقطع الفيديو الذي قام بنشره عبر حساباته على مواقع التواصل الاجتماعي، ردا على مقارنة بينه وبين ما وصل له أمير كرارة من نجومية كبيرة، قائلا: "طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور، كل اللي عاوز أقوله أني ما كانش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال مدحت العدل وهو حي يرزق يسأل".
وأضاف :«أما البوست اللي كتبه أحد الأساتذه، اللي اتقال فيه شوف كرارة فين دلوقتي ومحمد نجاتي دلوقتي فين دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الفنانين، ولكني أتمنى أشارك فيها كلها، ولكني مضطر اشتغل حاجات كتير علشان أكمل بقيت حياتي لأن عندي التزامات كتير".
وتابع: «أنا مش مبسوط بالحاجات اللي بقدمها وأحيانا بضطر اشتغل حاجات مش راضي عنها علشان أقدر أكمل حياتي والتزاماتي، وإذا كانت وضعي كدا مضايق ناس ممكن اعتزل وأريحكم كلكم مني وتبقى نهاية الحكاية».
