ديانا هشام عن صورتها مع نيرة أشرف: ما أعرفهاش.. واحترموا خصوصيات الناس
كتب: نسرين إبراهيم
علقت الفنانة الشابة ديانا هشام، على صورتها المتداولة لها مع الطالبة نيرة أشرف التي قتلت على يد زميل لها أمام جامعة المنصورة.
وكشفت ديانا هشام، عن علاقتها بالضحية في أول رد لها على الجدل المثار عبر السوشيال ميديا، وذلك من خلال مقطع فيديو لها عبر حسابها الرسمي على "إنستجرام"، قائلة: "صحيت على تليفونات صحفيين كتير، وأخبار كتير، وإيه الحكاية، أنا نفسي عايزة أعرف إيه اللغز اللي بتدورا عليه وحاطين دايرة حمراء على وشي، مش قادرة أفهم، ده مكان ومناسبة كنت فيها، ومش معنى إن أي حد معايا في الصورة يبقى صاحبي أو من عائلتي،اتصورنا صورة جماعية في المناسبة لا بينا لقاءات تانية ولا حاجة تانية بتجمعنا ولا أعرفها معرفة شخصية".
وتابعت: "أنا مش قادرة أفهم إيه هو اللغز اللي حاصل اللي عايزين تعرفوه بالظبط وبتدورا عليه مناسبة وصورة جماعية تبع ناس صحابنا معزومين، نيرة صاحبة ناس صحابنا وكانت معزومة في المناسبة دي والصورة من 2020، هي أي بروباجندا عيب احترموا الناس وخصوصياتهم".
وأضافت: "هي دي المرة الوحيدة اللي شوفت فيها نيرة الله يرحمها، ومش هنكر معرفتها لو أنا أعرفها هي دي الصدفة الوحيدة اللي جمعتنا مع بعض وحتى ماتكلمناش، وهي بنت محترمة جدا وسمعتها كويسة جدا، ودع الخلق للخالق".
ورافقت ديانا هشام، مقطع الفيديو، بتعليق آخر، قالت فيه: "أي حد بيشوف الڤيديو ده يترحم ويقرأ الفاتحة على المرحومة نيرة أشرف، أما بقا الى بيستغل موتها عشان يحقق مشهدات ويكون ترند فا حسبينا الله ونعمل وكيل".
View this post on Instagram
