تامر حسني: النجاح بيقوي ويجعل من حولك يهتم بك

وجه النجم تامر حسني، رسالة تشجيع وتحفيز لجمهوره، في إطار حرصه الدائم على التواصل معهم، ونقل خبراته الحياتية والعملية لهم من أجل الاستفادة منها.

وقال حسني، في منشور له عبر حسابه الرسمي على "فيسبوك": "حبايب قلبي  في حب ربنا وحبكم، إن شاء الله كل كام يوم هاجي على بالليل كدا، نتناقش في موضوع من خلال مشواري وتجربتي في الحياة، جايز تستفيدوا منه حاجة وجايز يكون في كتير منكوا هيكون كلامي  بمثابة إشارة تشجعهم كانوا مستنيينها".

وتابع: "من خلال خبرتي النجاح بيقوي ويجعل كل من حولك يهتم بك والعكس صحيح وأعني بالنجاح النجاح الإنساني في علاقاتك بربنا الناس.. النجاح المهني وتحقيق ذاتك وطموحك وتحديك لكل الصعاب وتخطيك لكل محنك زي ما عملوا كتير قبلك وظروفهم كانت أصعب منك ووصلوا لأكبر من أحلامهم"

 وأضاف: "أمانه عليكم محدش يكتبلي عاش وهو دا، وتقبر قلبي أنا عايز أفتح باب نقاش حقيقي يخليكوا تاخدوا  قرارات مهمه في حياتكم أو تتشجعوا و تتحمسوا لخطوات إيجابية، اتكلموا وقولوا اللي جواكم  تفريغ أحاسيسكم هنا وأي أسئله جواكم أو أي مواقف أو حكايات لما تتقال هنا هتبقى أول خطوة للصح عشان هتتولّد طاقه كبيرة للخير شاهد عليها ربنا ف هتكون خير أوي لينا إن شاء الله".