تامر حسني: فيلم «بحبك» الأعلى مشاهدة في تاريخ السينما العربية.. وبقول للشباب «مافيش مستحيل»

كشف النجم تامر حسني عن تحقيق أحدث أفلامه "بحبك" أعلى إيرادات في تاريخ السينما العربية.

ونشر تامر، إعلان شركة اورينت الدولية المسئولة عن توزيع الأفلام العالمية أنه حقق أعلى حضور جماهيري لفيلم عربي على مستوى العالم، حيث حضر الفيلم ٢ مليون و ٦٠٠ الف شخص في شهر ونصف ويعد رقم أول من نوعه، كما اقتربت إيرادات فيلم بحبك  إلى ٦٠٠ مليون جنيه في ظاهرة تعد الأولى من نوعها في السينما العربية، وجاء ذلك عبر حسابه الرسمي على "فيس بوك".

أقرأ المزيد: طارق الشناوي: «بحبك» سينما لا تعيش.. وتامر حسني دخل في منطقة خاطئة

حبيت أقول للشباب مافيش مستحيل

ووجه "حسني" بهذه المناسبة رسالة للشباب، جاء فيها: "الحمد لله من جد وجد وربنا بيكرم على قد التعب، الحمد لله عشان نجحت وحققت الإنجازين دول واثبت أني كنت شايف صح وصاحب رؤية وشخصية فنية مستقلة مبتمشيش غير ورا قناعتها اللي بتتبني بعد دراسة كبيرة للأشياء حبيت أقول للشباب مافيش مستحيل".

تابع: "بقول الكلام دا عشان يكون قدامكوا عبرة واضحة تخليكوا متيأسوش ودايما عندكوا أمل ولا يهزكوا أي حروب وأحقاد وناس مأجوره كل دا "بلح" جانب الإجتهاد الحقيقي، والإنسان لما يبقى عنده تحدي قوي مؤمن بيه، اللي بيطلع من القلب بيوصل للقلب ولا يصح إلا الصحيح، وأوعى تفتكر أن في مخلوق على الأرض يقدر يوقف رزقك، هيجيلك يعني هيجيلك ما دام اجتهدت وعملت اللي عليك".

استطرد: "شكرًا سينرچي وسكاي ليميت وفيلم سكوير وth برودكشن وأورينت الدولية أنكم صدقتوني لما قولتلكم ان شاء الله هنعمل انجاز تاريخي بفيلم رومانسي في عصر العنف و القتل، وهنرجع نحب ونرجع المشاعر تاني".

واختتم تامر حسني حديثه قائلا: "أهو الإنجاز بقى انجازين رقم عمري ما طلبته من ربنا لأنه عمره ما يجي في خيالي، كنت اطمح في ربعه وعدد زوار الفيلم ربنا كرمنا وفخور كل الفخر بأن أعلى رقمين في تاريخ السينما على مر العصور تم تحقيقهم بفيلم من تأليفي وموسيقتي التصويرية وإخراجي، الحمدلله ومليون مبروك لجميع أبطال وصناع الفيلم، وكل الشكر الجمهور المصري والعربي والعالمي اللي شرفنا وتسبب في هذا الحدث العظيم في حياتي".

ويذكر أن، فيلم "بحبك" من إنتاج شركة سينرجي، وفيلم سكوير، وسكاي ليميت وth برودكشن، تأليف وإخراج وبطولة تامر حسني، إلى جانب هنا الزاهد، هدى المفتي، حمدي المرغني ومدحت إسماعيل.