نجلاء بدر تُهاجم فرض القيمة المضافة على أجور الفنانين.. وسلوى علي ترد: «لو لاقونا خمسة جنيه هايخدونا»
كتب: أحمد حسني
هاجمت الفنانة نجلاء بدر على صفحتها الرسمية على موقع التواصل الاجتماعي «فيسبوك» فرض ضرائب قيمة مضافة على أجور الفنانين، قائلة: «يعني إيه ندفع ضريبة القيمة المضافة على برامج مأخدناش فيها فلوس مش فاهمة يعني إحنا هاندفع فلوس بالإكراه».
وأضافت تعليقًا على أحد متابعيها: «مش فاهمة اصلا ليه بندفع ضريبة مضافة هو احنا بنشغل الفلوس في مشروع، ده اجر بس يعنى ادفع عليه ضرايب لكن انا مش بشغل الفلوس علشان ادفع عليها ضريبة مضافة».
فيما ردت على متابع آخر قائلة: «انا مش فاهمة اصلا ليه بندفع ضريبه مضافة غير الضرايب العامة هو انا بشغل أجري في مشروع».
وعبرت عن استيائها بالقول: «مش فاهمة ده ايه بالظبط هو احنا بيحصل فينا كده ليه و ساكتين».
وعلقت عليها الفنانة سلوى علي قائلة: «يعنى ايه ندفع.. القيمة المضافة اصلا vat بتدفع على الجزم والشنط
واحنا للاسف مش جزم ولا شنط»، وطالبتها نجلاء بعدم السكوت، وضرورة أخذ موقف، وأشارت سلوى إلى أن «المحامين رفعوا قضية وكسبوها».
وتابعت سلوى علي ردًا على متابعي نجلاء بدر: « هاتدفع هاتدفع لو لاقونا خمسة جنيه هايخدونا».
