أبو جبل: «عمري ما هسيب حقي وهنحتفل على السنغال في بلدهم لما نكسب»
كتب: شروق خالد
كشف محمد أبو جبل، حارس مرمى منتخب مصر، عن تفاصيل حديث محمد الشناوي والحضري معه ومواساته عقب المباراة، تأثراً بالهزيمة من السنغال في نهائي أمم أفريقيا، مشيرًا إلي أن خسارة اللقب وعدم الحصول على الكأس كان أمر صعب للغاية عليهم.
وأضاف "أبو جبل" خلال لقائه مع الإعلامي عمرو أديب في برنامج "الحكاية " المذاع على قناة "إم بي سي مصر" بقوله: "الشناوي هو أول واحد جه حضني هو والحضري، وأنا كنت في الحالة دي، لما تشوف كأس أفريقيا قدامك ومتاخدهوش، حاجة صعبة ميحسهاش غير اللي عاشها".
وتابع: "منظر الكأس وهو موجود وكان قريب وضاع منك منظر صعب، مضيفًا بتأثر واضح: "كان نفسنا نفرح والناس تفرح، لأن الجماهير حسستنا بالدعم والحب وأننا أفضل فريق بأفريقيا وكنا بنحاول ناخد البطولة عشان تبقى إهداء بسيط ليهم ولحبهم لينا".
جاباسكي يبكي: لما تشوف كاس افريقيا قدامك وماتاخدهوش.. حاجة صعبة مايحسهاش غير اللي عاشها
— MBC مصر (@mbcmasr) February 7, 2022
تقدر تشوف الحلقة كاملة على شاهد (اتفرج ببلاش)https://t.co/JfxmbfqtVy
#الحكاية#MBCMASR pic.twitter.com/XPDA4OsKf8
واختتم "حارس مرمى منتخب مصر" قائلا: "قولت لزملائي أنا راجل صعيدي وأقسم بالله ما هسيب حقي، وان شاء الله هنحتفل عليهم في بلدهم في السنغال بالتأهل لكأس العالم".
ومن المنتظر أن يلتقي منتخب مصر مع نظيره السنغالي، في مباراتي ذهاب وإياب خلال شهر مارس المقبل، لحسم التأهل إلى بطولة كأس العالم.
