«اللي اختارته عشان الحب مينفعش تتاجر وتساوم بيه دلوقتي».. سهير جودة تعلق على أزمة مسلسل ميجان وهاري الوثائقية

علقت الإعلامية سهير جودة، على المسلسل الوثائقي للأمير هاري وزوجته ميجان ماركل، الذي يعرض حاليا عبر إحدى المنصات العالمية، والذي تسبب في إثارة الجدل بشكل كبير من وقت عرضه.

وقالت "سهير": "فيه تساؤلات كثيرة جدا على السوشيال ميديا، هل ميجان شبه ديانا، وهل ميجان حبيبة حقيقية وقصة حب بجد، ولا فيها إدعاء وبحث عن بطولة ومجد شخصي، هاري وميجان مسلسل وثائقي لكن عامل جدل كبير في العالم كله".

وتابعت: "في غضب كبير من البريطانيين ومن القصر، لأنهم شايفين محاولة لتمزيق التقاليد الملكية العائلية.. إيه هو الجديد اللي بيقدمه العمل الوثائقي؟ والانتقاد الكبير من الإنجليز بيقول: ليه كنتوا بتهربوا من الصحافة وعايزين خصوصية ودلوقتي بتبيعوا خصوصياتكم بـ100 مليون دولار، وبتكشف أسرار عيلتك و تسخر من القصر".

واستطردت: "ميجان دي شخصية غريبة جدا، احنا تعاطفنا معاها في الاول عشان هي بنت عادية وبتتجوز الأمير، والأمير بيحبها، وأنا بشوف أنها ممثلة متواضعة جدا، ومش شايفة أنها ضحت بحاجة، واللي اختارته عشان الحب مينفعش تتاجر وتساوم بيه دلوقتي وتقولي أنا سبت وسبت عشانه".

واختتمت سهير جودة حديثها قائلة: "لو كانت هي مشاعر حقيقة مش هتحتاج تعمل الضجة دي كلها لأنها اتجوزت الأمير واتنازل عن ألقابه الملكية عشانها.. إيه اللي بتحاول توصله بكل البكائيات دي؟ مجد شخصي؟ قبل ما بتدخل أي مكان بتبقى عارف تقاليد.. طالما اخترت كن قد اختيارك!"، وجاء ذلك خلال حلقة برنامجها الذي يحمل اسم «الستات»، والمذاع عبر فضائية «النهار»، التي عرضت أمس الأحد.

إقرأ أيضًا: سهير جودة: علميًا الست أكثر مهارة من الرجل في السواقة.. والستات «مبتعرفش تسوق» دي أسطورة ملهاش دليل من الواقع