عمرو مصطفى مدافعا عن شيرين عبد الوهاب: «إرحموها دي بنت بلدكم عيب»
كتب: نسرين إبراهيم
دافع الملحن عمرو مصطفى، عن الفنانة شيرين عبد الوهاب بعد الانتقادات الواسعة التي تعرضت لها خلال اليومين الماضيين عقب تدول مقطع فيديو لها من داخل أحد أماكن السهر بلبنان برفقة زوجها الفنان حسام حبيب وعدد من أصدقائهما المقربين، وظهرت فيه وهي ترقص بطريقة هستيرية.
وقال عمرو مصطفى، عبر حسابه على "فيسبوك": "مفيش فنان علي وجه الأرض بتكون حياته كلها جميله لكل فنان كبوة، ومش الفنان فقط الإنسان الطبيعي كمان، لكل شخص فترة صعبة في حياته واختبار كبير وساعات بيكون مستحيل وصعب يسيطر علي نفسه".
وأضاف: "شيرين عبد الوهاب، أسعدتكم كتير وممكن تكون هي في كبوة فنية وإنسانية زي ما كلنا بتحصل في حياتنا في ناس بتقدر تعدي وفي ناس من كتر الحروب مش بتقدر، مهما كانت أفعالها إرحموها ربنا سبحانه وتعالي رحيم ليه كل الفضايح دي ليه كل الحروب دي خلاص ادعولها ربنا ينور بصيرتها لأن ساعات بيكون ده مش بإيديها بيكون الدعاء فقط هو مفتاح رجوعها لحياتها وفنها".
وتابع: "كلنا بنغلط بس المهم نرجع ونصلح، مكنتش عايز أتدخل لأني اعتزلت الكلام عن الشأن العام بس دي أخر مرة لأن الموضوع مستفز، ربنا يهدي شيرين لبيتها وجوزها والفن الي بيقدموه ورجاء من الصحافة كفاية دي بنت بلدكم عيب".
